(БҰРЫНҒЫ РЕДАКЦИЯ) «ӨСКЕМЕН ҚАЛАСЫНДАҒЫ ҚАЗАҚСТАН РЕСПУБЛИКАСЫ ИНВЕСТИЦ...

Осы редакция 2017 жылғы 17 мамырда енгізілген өзгерістеріне дейін қолданылды

Қазақстан Республикасы

Инвестициялар және даму

министрінің міндетін атқарушының

2014 жылғы 15 қазандағы

№ 67 бұйрығына

2-қосымша

«Өскемен қаласындағы Қазақстан Республикасы Инвестициялар және даму министрлігі Геология және жер қойнауын пайдалану комитетінің

«Шығысқазжерқойнауы» Шығыс Қазақстан өңіраралық геология және жер қойнауын пайдалану департаменті» мемлекеттік мекемесінің

ережесі
(2015.17.09. берілген өзгерістермен)

1. Жалпы ережелер

1. «Өскемен қаласындағы Қазақстан Республикасы Инвестициялар және даму министрлігі Геология және жер қойнауын пайдалану комитетінің «Шығысқазжерқойнауы» Шығыс Қазақстан өңіраралық геология және жер қойнауын пайдалану департаменті» мемлекеттік мекемесі (бұдан әрі - «Шығысқазжерқойнауы» ӨД) Шығыс Қазақстан аумағында мемлекеттік геологиялық зерделеу, минералдық-шикізат базасын өндіру, жер қойнауын ұтымды және кешенді пайдалану, жер қойнауын пайдалануды мемлекеттік басқару салаларында қызметтерді жүзеге асыратын «Қазақстан Республикасы Инвестициялар және даму министрлігі Геология және жер қойнауын пайдалану комитеті» мемлекеттік мекемесінің (бұдан әрі - Комитет) аумақтық бөлімшесі болып табылады.

2. «Шығысқазжерқойнауы» ӨД өз қызметін Қазақстан Республикасының Конституциясына, заңнамалық және өзге де нормативтік құқықтық актілеріне, Комитеттің бұйрықтары мен өкімдеріне, сондай-ақ «Өскемен қаласындағы Қазақстан Республикасы Инвестициялар және даму министрлігі Геология және жер қойнауын пайдалану комитетінің «Шығысқазжерқойнауы» Шығыс Қазақстан өңіраралық геология және жер қойнауын пайдалану департаменті» мемлекеттік мекемесінің ережесіне (бұдан әрі - Ереже) сәйкес жүзеге асырады.