(БҰРЫНҒЫ РЕДАКЦИЯ) «ҒИБАДАТ ҮЙЛЕРІН (ҒИМАРАТТАРЫН) САЛУ ЖӘНЕ ОЛАРДЫҢ ОР...

Осы редакция 2018 жылғы 28 мамырда енгізілген өзгерістеріне дейін қолданылды

Маңғыстау облысы әкімдігінің

2015 жылғы 20 тамыздағы

№ 258 қаулысымен

бекітілген

«Ғибадат үйлерін (ғимараттарын) салу және олардың орналасатын жерін айқындау туралы шешім беру»

мемлекеттік көрсетілетін қызмет регламенті

1. Жалпы ережелер

1. «Ғибадат үйлерін (ғимараттарын) салу және олардың орналасатын жерін айқындау туралы шешім беру» мемлекеттік көрсетілетін қызмет (бұдан әрі - мемлекеттік көрсетілетін қызмет) жеке және заңды тұлғаларға (бұдан әрі - көрсетілетін қызметті алушы) «Маңғыстау облысының дін істері басқармасы» мемлекеттік мекемесімен (бұдан әрі-көрсетілетін қызметті беруші) тегін көрсетіледі.

Өтінішті қабылдау және мемлекеттік қызмет көрсету нәтижесін беру көрсетілетін қызметті берушінің кеңсесімен жүзеге асырылады.

2. Мемлекеттiк қызметті көрсету нысаны: қағаз түрінде.

3. Мемлекеттiк қызметті көрсету нәтижесi - ғибадат үйлерін (ғимараттарын) салу, олардың орналасатын жерін айқындау туралы көрсетілетін қызметті берушінің шешімі немесе «Діни қызмет саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Мәдениет және спорт министрінің 2015 жылғы 23 сәуірдегі № 147 бұйрығымен (Нормативтік құқықтық актілерді мемлекеттік тіркеу тізілімінде № 11183 болып тіркелген) бекітілген «Ғибадат үйлерін (ғимараттарын) салу және олардың орналасатын жерін айқындау туралы шешім беру» мемлекеттік көрсетілетін қызмет стандартының (бұдан әрі - Стандарт) 10-тармағында көзделген жағдайда және негіздер бойынша мемлекеттік қызметті көрсетуден бас тарту туралы дәлелденген жауап.

Мемлекеттік қызметті көрсету нәтижесін ұсыну нысаны - қағаз түрінде.

2. Мемлекеттік қызметті көрсету процесінде көрсетілетін қызметті берушінің құрылымдық бөлімшелерінің (қызметкерлерінің) іс- қимылы тәртібін сипаттау

4. Көрсетілетін қызметті берушінің Стандарттың 9-тармағына сәйкес құжаттарды алуы мемлекеттік қызмет көрсету бойынша рәсімді (іс-қимылды) бастауға негіздеме болып табылады.