(БҰРЫНҒЫ РЕДАКЦИЯ) «ОН СЕГІЗ ЖАСҚА ДЕЙІНГІ БАЛАЛАРҒА МЕМЛЕКЕТТІК ЖӘРДЕМ...

Осы редакция 2016 жылғы 8 тамызда енгізілген өзгерістеріне дейін қолданылды

Астана қаласы әкімдігінің

2015 жылғы 27 шілдедегі

№ 158-1286 қаулысына

4-қосымша

«Он сегіз жасқа дейінгі балаларға мемлекеттік жәрдемақы тағайындау»

мемлекеттік көрсетілетін қызмет регламенті

1. Жалпы ережелер

1. «Он сегіз жасқа дейінгі балаларға мемлекеттік жәрдемақы тағайындау» мемлекеттік көрсетілетін қызмет (бұдан әрі - мемлекеттік көрсетілетін қызмет) Қазақстан Республикасы Денсаулық сақтау және әлеуметтік даму министрінің 2015 жылғы 28 cәуірдегі № 279 бұйрығымен бекітілген «Он сегіз жасқа дейінгі балаларға мемлекеттік жәрдемақы тағайындау» мемлекеттік көрсетілетін қызмет стандарты (бұдан әрі - Стандарт) негізінде «Астана қаласының Жұмыспен қамту және әлеуметтік бағдарламалар басқармасы» мемлекеттік мекемесімен (бұдан әрі - көрсетілетін қызметті беруші) көрсетіледі.

Өтініштерді қабылдау және мемлекеттік көрсетілетін қызмет нәтижелерін беру:

1) көрсетілетін қызметті алушының тұрақты тіркелген тұрғылықты жері бойынша көрсетілетін қызметті беруші;

2) Қазақстан Республикасы Инвестициялар және даму министрлігі Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі - ХҚКО) арқылы жүзеге асырылады.

2. Мемлекеттік көрсетілетін қызмет нысаны: электрондық (толық немесе ішінара автоматтандырылған) және (немесе) қағаз түрінде.

3. Көрсетілетін қызметті алушы алатын мемлекеттік қызметті көрсету нәтижесі - мемлекеттік көрсетілетін қызметті тағайындау туралы хабарлама немесе Стандарттың 10-тармағында көзделген жағдайда және негіздер бойынша, мемлекеттік көрсетілетін қызметтен бас тарту туралы дәлелді жауап, қағаз жеткізгіште.

Мемлекеттік көрсетілетін қызмет нәтижесін ұсыну нысаны: электрондық және қағаз түрінде.