(БҰРЫНҒЫ РЕДАКЦИЯ) ҚР МӘДЕНИЕТ ЖӘНЕ СПОРТ МИНИСТРІНІҢ 2015.22.04 № 1...

Осы редакция 2016 жылғы 25 қаңтарда енгізілген өзгерістеріне дейін қолданылды

Қазақстан Республикасы

Мәдениет және спорт министрінің

2015 жылғы 22 cәуірдегі № 146 бұйрығына

2-қосымша

«Тарих және мәдениет ескерткiштерiндегі археологиялық және (немесе)

 ғылыми-рестраврациялық жұмыстарды жүзеге асыру жөнiндегi қызметке лицензия беру»

мемлекеттiк көрсетiлетiн қызмет стандарты

«Тарих және мәдениет ескерткiштерiндегі археологиялық және (немесе) ғылыми-рестраврациялық жұмыстарды жүзеге асыружөнiндегi қызметке лицензия беру» мемлекеттік көрсетілетін қызмет регламентін қараңыз

1. Жалпы ережелер

1. «Тарих және мәдениет ескерткiштерiндегі археологиялық және (немесе) ғылыми-реставрациялық жұмыстарды жүзеге асыру жөнiндегi қызметке лицензия беру» мемлекеттiк көрсетiлетiн қызметi (бұдан әрi - мемлекеттiк көрсетiлетiн қызмет).

2. Мемлекеттiк көрсетiлетiн қызмет стандартын Қазақстан Республикасы Мәдениет және спорт министрлiгi (бұдан әрi - Министрлiк) әзiрледi.

3. Мемлекеттiк көрсетiлетiн қызмет Министрлiкте (бұдан әрi - көрсетiлетiн қызметтi берушi) көрсетiледi.

Өтініш қабылдау және мемлекеттiк қызмет көрсетудiң нәтижелерiн беру:

1) көрсетілетін қызметті беруші кеңсесі;

2) Қазақстан Республикасы Инвеститция және даму министрлiгiнiң «Халыққа қызмет көрсету орталығы» шаруашылық жүргiзу құқығындағы республикалық мемлекеттiк кәсiпорны (бұдан әрi - ХҚО);

3) www.egov.kz «электрондық үкiмет», www.elicense.kz веб-порталдары (бұдан әрі-портал) арқылы жүзеге асырылады.

2. Мемлекеттiк қызмет көрсету тәртiбi

4. Мемлекеттiк қызмет көрсету мерзiмi:

1) көрсетiлетiн қызметтi берушiге, ХҚО-ға құжаттар топтамасын тапсырған кезден бастап, сондай-ақ порталға жүгiнген кезде:

тарих және мәдениет ескерткiштерiнде археологиялық және (немесе) ғылыми-реставрациялау жұмыстарын жүзеге асыру жөнiндегi қызметке лицензия беру (бұдан әрi - лицензия) - 15 (он бес) жұмыс күнi;

қайта ресiмделген лицензияны беру - 3 (үш) жұмыс күнi.

ХҚО-ға құжаттар топтамасын тапсырған күн мемлекеттiк қызмет көрсету мерзiмiне кiрмейдi.