(БҰРЫНҒЫ РЕДАКЦИЯ) ҚР ИНВЕСТИЦИЯЛАР ЖӘНЕ ДАМУ МИНИСТРІНІҢ М. А. 2015...

Осы редакция 2016 жылғы 25 ақпанда енгізілген өзгерістеріне дейін қолданылды

Қазақстан Республикасы

Инвестициялар және даму министрінің

міндетін атқарушының

2015 жылғы 28 мамырдағы

№ 623 бұйрығына

2-қосымша

«Азаматтық авиацияның авиациялық оқу орталығының сертификатын беру»

мемлекеттік көрсетілетін қызмет регламенті


1. Жалпы ережелер

1. «Азаматтық авиацияның авиациялық оқу орталығының сертификатын беру» мемлекеттік көрсетілетін қызметін (бұдан әрі - мемлекеттік көрсетілетін қызмет) Қазақстан Республикасы Инвестициялар министрлігінің Азаматтық авиация комитеті (бұдан әрі - көрсетілетін қызметті беруші) Қазақстан Республикасы Инвестициялар министрінің 2015 жылғы 28 сәуірдегі № 518 бұйрығымен бекітілген, Нормативтік құқықтық актілерді мемлекеттік тіркеу тізілімінде № 11401 тіркелген «Азаматтық авиацияның авиациялық оқу орталығының сертификатын беру» мемлекеттік көрсетілетін қызметі (бұдан әрі - Стандарт) негізінде көрсетеді.

Мемлекеттік қызметті көрсету үшін құжаттарды қабылдау және мемлекеттік қызметті көрсету нәтижелерін беру көрсетілетін қызметті берушінің кеңсесі арқылы не «электрондық үкіметтің» www.egov.kz  веб-порталы арқылы (бұдан әрі - портал) жүзеге асырылады.

2. Мемлекеттік қызметті көрсету нысаны: қағаз түрінде және (немесе) электрондық (ішінара автоматтандырылған).

3. Мемлекеттік қызметті көрсету нәтижесі: авиациялық персоналға куәліктер (бұдан әрі - куәлік) беру болып табылады;

2. Мемлекеттік қызметті көрсету процесінде көрсетілетін
қызметті берушінің құрылымдық бөлімшелерінің (қызметкерлерінің)
іс-қимылдары тәртібін сипаттау

4. Мемлекеттік қызметті көрсету бойынша рәсімдерді (іс-қимылдарды) бастау үшін негіз «Азаматтық авиацияның авиациялық оқу орталығының сертификатын беру» стандартының 9-тармағына сәйкес көрсетілетін қызметті алушының өтініші немесе электрондық сұрау салуының болуы болып табылады.

5. Мемелекеттік қызмет көрсету процесінің құрамына кіретін әрбір рәсімнің (іс-қимылдың) мазмұны, оны орындау ұзақтығы: