«Қазақстан Республикасының радиожиілілік спектрін пайдалануға рұқсат беру» мемлекеттік көрсетілетін қызмет регламенті (Қазақстан Республикасы Инвестициялар және даму министрінің м. а. 2015 жылғы 28 мамырдағы № 644 бұйрығына 3-қосымша) (2016.12.02. берілген өзгерістермен) (күші жойылды)

Қазақстан Республикасы Инвестициялар

және даму министрінің міндетін

атқарушының 2015 жылғы 28 мамырдағы

№ 644 бұйрығына 3-қосымша

ҚР Цифрлық даму, инновациялар және аэроғарыш өнеркәсібі министрінің 2020.19.05. № 200/НҚ бұйрығымен күші жойылды

«Қазақстан Республикасының радиожиілілік спектрін пайдалануға рұқсат беру»

мемлекеттік көрсетілетін қызмет регламенті
(2016.12.02. берілген өзгерістермен)

1. Жалпы ережелер

1. «Қазақстан Республикасының радиожиілілік спектрін пайдалануға рұқсат беру» мемлекеттік көрсетілетін қызметін (бұдан әрі - мемлекеттік көрсетілетін қызмет) Қазақстан Республикасы Инвестициялар және даму министрлігі Байланыс, ақпараттандыру және ақпарат комитеті (бұдан әрі - көрсетілетін қызметті беруші) көрсетеді.

2. Көрсетілетін мемлекеттік қызметтің нысаны: электрондық (ішінара автоматтандырылған) және (немесе) қағаз түрінде.

3. Мемлекеттік қызметті көрсету нәтижесі:

Қазақстан Республикасы радиожиілік спектрін пайдалануға рұқсат (бұдан әрі - РЖС пайдалануға рұқсат);

мемлекеттік қызметті көрсетуден дәлелді бас тарту туралы жауап.

2. Көрсетілетін қызмет берушінің құрылымдық бөлімшелерінің
(қызметкерлерінің) мемлекеттік қызмет көрсету процесіндегі
іс-қимыл тәртібін сипаттау

4. Мемлекеттік қызмет көрсету бойынша рәсімді (іс-қимылды) бастауға негіз, Қазақстан Республикасы Инвестициялар және даму министрінің 2015 жылғы 30 сәуірдегі № 531 «Байланыс саласындағы мемлекеттік қызмет стандарттарын бекіту туралы» (нормативтік-құқықтық актілерді мемлекеттік тіркеу реестрінде № 11380 тіркелген) бұйрығымен бекітілген «Қазақстан Республикасының радиожиілілік спектрін пайдалануға рұқсат беру» мемлекеттік көрсетілетін қызмет стандартының (бұдан әрі - Мемлекеттік көрсетілетін қызмет стандарты) 9-тармағына сәйкес көрсетілетін қызметті алушының құжаттарының (бұдан әрі-өтінім) болуы болып табылады.

ҚР Инвестициялар және даму министрінің 2016.12.02. № 182 бұйрығымен 5-тармақ өзгертілді (бұр.ред.қара)