Выписка из стенограммы пленарного заседания Мажилиса Парламента Республики Казахстан (02.12.2020 г.)

Қазақстан Республикасы Парламенті Мәжілісінің

02.12.2020 жылғы жалпы отырысының

стенограммасынан үзінді көшірме

Отырысты Қазақстан Республикасы Парламенті

Мәжілісінің Төрағасы Н. НЫҒМАТУЛИН жүргізді.

Выписка из стенограммы пленарного заседания

Мажилиса Парламента Республики Казахстан

от 02.12.2020 года

Вел заседание Председатель

Мажилиса Парламента Республики Казахстан

Н. НИГМАТУЛИН.

ИСИМБАЕВА Г.И. Құрметті әріптестер, біздің депутаттардың бастамасымен әзірленген келесі мәселе - «Нотариат туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасы Заңының жобасы жөнінде. Баяндама жасау үшін сөз Қазақстан Республикасы Парламенті Мәжілісінің депутаты Кесебаева Балаим Туғанбайқызына беріледі.

КЕСЕБАЕВА Б.Т. Құрметті Гүлмира Истайбекқызы! Құрметті әріптестер! Заң жобасы Қазақстан Республикасы Парламенті депутаттарының бастамасымен әзірленді.

Бұл заң жобасы нотариат туралы заңнаманы, сонымен қатар жеке және заңды тұлғалардың құқықтары мен заңды мүдделерін қорғаудың құқықтық жүйесін жетілдіруге бағытталған.

Түзетулердің бірінші блогы нотариат жұмысындағы цифрлық технологияларға арналған.

Нотариаттық қызметті одан әрі цифрландыру жасалатын нотариаттық іс-әрекеттердің жеделдігін, ашықтығын және заңдылығын қамтамасыз етуге мүмкіндік береді, нотариаттық құжаттарды ресімдеуді жеңілдетеді. Бұл үшін электрондық нотариаттың жекелеген ерекшеліктерін заңнамалық реттеу қажет.

Нотариаттық құжаттарды сақтау және есепке алу үшін репозиторийдің және электрондық мұрағаттың орталықтандырылған электрондық жүйесін құру ұсынылады.

Нотариустарға жазбаша мәмілелерді электрондық нысанда жасау құқығы беріледі.

Екінші. Заң жобасында нотариаттық құпия ұғымы енгізіледі. Нотариаттық құпия нотариаттық қызметтің негізгі принциптерінің бірі және кепілі болып табылады.