«Қазақстан Республикасының пошта төлемінің мемлекеттік белгілерін пошта айналымына енгізу және оның түрі мен көлемдерін бекіту туралы» Қазақстан Республикасы Ақпарат және коммуникациялар министрінің 2017 жылғы 21 шілдедегі № 265 бұйрығы

Қазақстан Республикасының пошта төлемінің мемлекеттік белгілерін пошта айналымына енгізу және оның түрі мен көлемдерін бекіту туралы

Қазақстан Республикасы Ақпарат және коммуникациялар министрінің 2017 жылғы 21 шілдедегі № 265 бұйрығы

«Пошта туралы» 2016 жылғы 9 сәуірдегі Қазақстан Республикасы Заңының 5-бабы 1-тармағының 4) тармақшасына және 17-бабының 1-тармағына сәйкес БҰЙЫРАМЫН:

1. Пошта төлемінің мынадай мемлекеттік белгілері бекітіліп, пошта айналымына енгізілсін:

1) Қазақстан Республикасының аумағында пошталық айналымға енгізу мерзімі 2017 жылдың 7 тамызынан бастап 10 000 (он мың) дана мөлшерінде «Қораз жылы» тақырыбындағы «Шығыс жұлдызнамасы» сериясының бір маркадан тұратын пошта блогы.

Блоктағы пошта маркаларының номиналы 300 теңге, перфорациясы жиектемелі, төрт бояулы офсетті баспа, марканың мөлшері (диаметр) 40 мм;

2) Қазақстан Республикасының аумағында пошталық айналымға енгізу мерзімі 2017 жылдың 14 тамызынан бастап 10 000 (он мың) дана мөлшерінде «Ғарыш күні» тақырыбындағы «Ғарыш» сериясының пошта маркасы.

Заңды тұлғалар үшін жер үсті көлігімен 50 граммға дейінгі салмақта тапсырысты хатты жіберу тарифіне сәйкес пошта маркасының номиналы «С» литерлі (220) теңге, перфорациясы жоталы, төрт бояулы офсетті баспа, марка мөлшері 40 х 28 мм;