(БҰРЫНҒЫ РЕДАКЦИЯ) «ӨТІНІШ БЕРУШІНІҢ (ОТБАСЫНЫҢ) АТАУЛЫ ӘЛЕУМЕТТІК КӨМЕ...

Осы редакция 2018 жылғы 25 қаңтарда енгізілген өзгерістеріне дейін қолданылды

Жамбыл облысы әкімдігінің

2015 жылғы 23 шілдедегі

№ 158 қаулысымен бекітілген

«Өтініш берушінің (отбасының) атаулы әлеуметтік көмек алушыларға тиесілігін растайтын анықтама беру»

мемлекеттік көрсетілетін қызмет регламенті
(2017.26.10. берілген өзгерістермен)

1. Жалпы ережелер

Жамбыл облысы әкімдігінің 2016.27.01. № 25 Қаулысымен 1-тармақ жаңа редакцияда (бұр.ред.қара); Жамбыл облысы әкімдігінің 2017.26.10. № 231 Қаулысымен 1-тармақ өзгертілді (бұр.ред.қара)

1. Өтініш берушінің (отбасының) атаулы әлеуметтік көмек алушыларға тиесілігін растайтын анықтама беру» мемлекеттік көрсетілетін қызмет (бұдан әрі - мемлекеттік көрсетілетін қызмет) «Әлеуметтік-еңбек саласындағы мемлекеттік көрсетілетін қызмет стандарттарын бекіту туралы» Қазақстан Республикасы Денсаулық сақтау және әлеуметтік даму министрлігінің 2015 жылғы 28 сәуірдегі № 279 бұйрығымен бекітілген «Өтініш берушінің (отбасының) атаулы әлеуметтік көмек алушыларға тиесілігін растайтын анықтама беру» мемлекеттік көрсетілетін қызмет стандартына (Нормативтік құқықтық актілерді мемлекеттік тіркеу тізілімінде № 12805 болып тіркелген) (бұдан әрі - стандарт) сәйкес облыстық аудандары және Тараз қаласының жергілікті атқарушы органдары және кент, ауыл, ауылдық округ әкімдері (бұдан әрі - ауылдық округ әкімі) көрсетеді.

Өтінішті қабылдау және мемлекеттік қызмет көрсету нәтижесін беру:

1) Қазақстан Республикасы Инвестициялар және даму министрлігі Байланыс, ақпараттандыру және ақпарат комитетінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі - халыққа қызмет көрсету орталығы);

2) көрсетілетін қызметті беруші;

3) кент, ауыл, ауылдық округтің әкімі;

4) www.egov.kz «электрондық үкімет» веб-порталы (бұдан әрі - портал) арқылы жүзеге асырылады.

Жамбыл облысы әкімдігінің 2016.27.01. № 25 Қаулысымен 2-тармақ жаңа редакцияда (бұр.ред.қара)

2. Мемлекеттік қызметті көрсету нысаны: электрондық (толық автоматтандырылған) және (немесе) қағаз түрінде.