«Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәлік беру» мемлекеттiк көрсетілетін қызмет регламенті» (Қызылорда облыстық әкімдігінің 2015 жылғы 9 қыркүйектегі № 156 Қаулысымен бекітілген) (2017.23.08. берілген өзгерістермен) (күші жойылды)

Қызылорда облысы әкімдігінің 2016.29.02. № 382 Қаулысымен (бұр.ред.қара); 2017.23.08. № 864 Қаулысымен (бұр.ред.қара) мемлекеттiк көрсетілетін қызмет регламенті жаңа редакцияда

Қызылорда облысы әкімдігінің

2015 жылғы 9 қыркүйектегі

№ 156 қаулысымен

бекітілген

Қызылорда облысы әкімдігінің 2020 жылғы 6 ақпандағы № 163 Қаулысымен күші жойылды

«Семей ядролық сынақ полигонында ядролық сынақтардың салдарынан зардап шеккен

азаматтарды тіркеу, біржолғы мемлекеттік ақшалай өтемақы төлеу, куәлік беру»

мемлекеттiк көрсетілетін қызмет регламенті

(2017.23.08. берілген өзгерістермен)

1. Жалпы ережелер

1. Көрсетілетін қызметті берушінің атауы: аудандардың жұмыспен қамту, әлеуметтік бағдарламалар және азаматтық хал актілерін тіркеу бөлімдері және облыстық маңызы бар қаланың жұмыспен қамту және әлеуметтік бағдарламалар бөлімі (бұдан әрі - көрсетілетін қызметті беруші).

Өтініштерді қабылдау және мемлекеттік көрсетілетін қызмет нәтижелерін беру:

1) көрсетілетін қызметті беруші;

2) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация) арқылы жүзеге асырылады.

2. Мемлекеттік көрсетілетін қызмет нысаны - қағаз түрінде.

3. Мемлекеттік көрсетілетін қызмет нәтижесі:

1) куәлікті немесе оның телнұсқасын беру не «Әлеуметтік-еңбек саласындағы мемлекеттік көрсетілетін қызмет стандарттарын бекіту туралы» Қазақстан Республикасының Денсаулық сақтау және әлеуметтік даму министрінің 2015 жылғы 28 сәуірдегі № 279 бұйрығымен (нормативтік құқықтық актілерді мемлекеттік тіркеу Тізілімінде № 11342 болып тіркелген) бекітілген «Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәлік беру» мемлекеттік көрсетілетін қызмет стандартының (бұдан әрі - стандарт) 10-1 тармағымен көзделген жағдайларда және негіздемелер бойынша мемлекеттік қызметті көрсетуден бас тарту туралы дәлелді жауап (бұдан әрі - дәлелді бас тарту).

Мемлекеттік корпорацияда:

1) куәлікті немесе оның телнұсқасын не дәлелді бас тарту беру;