«Үлескерлердің ақшасын тарту есебінен тұрғын жайлар құрылысын ұйымдастыру жөніндегі қызметке лицензия беру» мемлекеттік көрсетілетін қызмет регламенті (Ақмола облысы әкімдігінің 2015 жылғы 9 маусымдағы № А-6/263 қаулысымен бекітілді) (2016.29.04. берілген өзгерістермен) (күші жойылды)

Ақмола облысы әкімдігінің 2020 жылғы 3 қарашадағы № А-11/554 Қаулысымен күші жойылды

Ақмола облысы әкімдігінің 2016.29.04. № А-6/201 Қаулысымен мемлекеттік көрсетілетін қызмет регламенті жаңа редакцияда (бұр.ред.қара)

Ақмола облысы әкімдігінің

2015 жылғы 9 маусымдағы

№ А-6/263 қаулысымен бекітілді

қаулысымен бекітілді

«Үлескерлердің ақшасын тарту есебінен тұрғын жайлар құрылысын ұйымдастыру жөніндегі қызметке лицензия беру»

мемлекеттік көрсетілетін қызмет регламенті

(2016.29.04. берілген өзгерістермен)

1. Жалпы ережелер

1.»Үлескерлердің ақшасын тарту есебінен тұрғын жайлар құрылысын ұйымдастыру жөніндегі қызметке лицензия беру» мемлекеттік көрсетілетін қызмет (бұдан әрі - мемлекеттік көрсетілетін қызмет) «Ақмола облысының мемлекеттік сәулет-құрылыс бақылау басқармасы» мемлекеттік мекемесімен (бұдан әрі - көрсетілетін қызметті беруші) көрсетіледі.

Өтінішті қабылдау және мемлекеттік көрсетілетін қызметтің нәтижелерін беру жүзеге асырылады:

1) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация);

2) «электрондық үкімет» www.egov.kz веб-порталы (бұдан әрі - Портал);

3) көрсетілетін қызметті берушы арқылы жүзеге асырылады.

2. Мемлекеттік көрсетілетін қызмет нысаны: электрондық (ішінара автоматтандырылған) және (немесе) қағаз түрінде.

3. Қазақстан Республикасы Ұлттық экономика министрінің 2015 жылғы 27 наурыздағы № 276 бұйрығымен бекітілген «Үлескерлердің ақшасын тарту есебінен тұрғын жайлар құрылысын ұйымдастыру жөніндегі қызметке лицензия беру» мемлекеттік көрсетілетін қызмет стандартының (осыдан әрі - Стандарт, Нормативтік құқықтық актілерді мемлекеттік тіркеу тізілімінде № 11133 болып тіркелді) 10-тармағымен қарастырылған жағдайлар және негіздер бойынша жобалау қызметіне лицензия, қайта ресімдеу және лицензияның телнұсқасын беру немесе бас тарту туралы дәлелді жауап беру көрсетілетін мемлекеттік қызметтің нәтижесі болып табылады.

Мемлекеттік қызмет көрсету нәтижесін ұсыну нысаны: электрондық түрінде.