«Білім беру ұйымдары білім беру қызметінде пайдаланатын қатаң есептіліктегі құжаттардың нысанын бекіту туралы» Қазақстан Республикасы Білім және ғылым министрінің міндетін атқарушының 2007 жылғы 23 қазандағы № 502 бұйрығына өзгерістер енгізу туралы» Қазақстан Республикасы Білім және ғылым министрінің 2020 жылғы 2 қыркүйектегі № 380 бұйрығы

«Білім беру ұйымдары білім беру қызметінде пайдаланатын қатаң есептіліктегі құжаттардың нысанын бекіту туралы» Қазақстан Республикасы Білім және ғылым министрінің міндетін атқарушының 2007 жылғы 23 қазандағы № 502 бұйрығына өзгерістер енгізу туралы
Қазақстан Республикасы Білім және ғылым министрінің 2020 жылғы 2 қыркүйектегі № 380 бұйрығы

«Білім туралы» 2007 жылғы 27 шілдедегі Қазақстан Республикасы Заңының 5-бабының 23) тармақшасын іске асыру мақсатында БҰЙЫРАМЫН:

1. «Білім беру ұйымдары білім беру қызметінде пайдаланатын қатаң есептіліктегі құжаттардың нысанын бекіту туралы» Қазақстан Республикасы Білім және ғылым министрінің міндетін атқарушының 2007 жылғы 23 қазандағы № 502 бұйрығына (Нормативтік құқықтық актілерді мемлекеттік тіркеу тізілімінде № 4991 болып тіркелген) мынадай өзгерістер енгізілсін:

1-тармақ мынадай редакцияда жасылсын:

«1. Мыналар:

1) осы бұйрыққа 1-қосымшаға сәйкес диплом бланкілерін есепке алу журналының нысаны;

2) осы бұйрыққа 2-қосымшаға сәйкес транскрипттің нысаны;

3) осы бұйрыққа 3-қосымшаға сәйкес шақыру анықтамасының нысаны;

4) осы бұйрыққа 4-қосымшаға сәйкес растау анықтамасының нысаны;

5) осы бұйрыққа 5-қосымшаға сәйкес білім алушының студенттік билетінің/қазақстандық студенттік сәйкестендіру картасының (жоғары және (немесе) жоғары оқу орнынан кейінгі білім беру ұйымдары үшін) нысаны;

6) осы бұйрыққа 6-қосымшаға сәйкес магистрант куәлігінің нысаны;

7) осы бұйрыққа 7-қосымшаға сәйкес докторант куәлігінің нысаны;

8) осы бұйрыққа 8-қосымшаға сәйкес тестіленушінің күнтізбелік жылғы қаңтардың 15-і мен 20-сы, наурыздың 26-сы мен 31-і, тамыздың 17-сі мен 20-сы аралығында өткізілетін ұлттық бірыңғай тестілеу нәтижесінің нысаны;

9) осы бұйрыққа 9-қосымшаға сәйкес жоғары білімнің білім беру бағдарламаларының топтары бойынша білім беру грантын беру туралы куәліктің нысаны;

10) осы бұйрыққа 10-қосымшаға сәйкес ұлттық бірыңғай тестілеуге қатысу үшін өтініштің нысаны;