«Өнертабысқа патент беру» мемлекеттік қызмет стандарты (Қазақстан Республикасы Әділет министрінің 2015 жылғы 30 сәуірдегі № 251 бұйрығына 8-қосымша) (2016.31.10. берілген өзгерістермен) (күші жойылды)

ҚР Әділет министрінің 2018 жылғы 11 қазандағы № 1481 бұйрығымен күші жойылды

ҚР Әділет министрінің 2016.31.10. № 947 бұйрығымен мемлекеттік көрсетілетін қызмет стандарты жаңа редакцияда (бұр.ред.қара)

Қазақстан Республикасы

Әділет министрінің

2015 жылғы 30 сәуірдегі

№ 251 бұйрығына

8-қосымша

«Өнертабысқа патент беру»

мемлекеттік қызмет стандарты

(2016.31.10. берілген өзгерістермен)

«Өнертабысқа патент беру» мемлекеттік көрсетілетін қызмет регламентіне қараңыз

1-Тарау. Жалпы ережелер

1. «Өнертабысқа патент беру» мемлекеттік көрсетілетін қызметі (бұдан әрі - Мемлекеттік көрсетілетін қызмет).

2. Мемлекеттік көрсетілетін қызмет стандартын (бұдан әрі - Стандарт) Қазақстан Республикасының Әділет министрлігі (бұдан әрі - Министрлік) әзірледі.

3. Мемлекеттік көрсетілетін қызметті Министрлік (бұдан әрі - Көрсетілетін қызметті беруші) көрсетеді.

Мемлекеттік көрсетілетін қызметті көрсетуге өтініштерді қабылдау және оның нәтижелерін беру:

1) Министрліктің «Ұлттық зияткерлік меншік институты» Республикалық мемлекеттік кәсіпорны (бұдан әрі - Сараптама ұйымы);

3) «электрондық үкімет» www.egov.kz веб-порталы (бұдан әрі - Портал) арқылы жүзеге асырылады.

2-Тарау. Мемлекеттік қызмет көрсету тәртібі

4. Мемлекеттік қызмет көрсету мерзімі:

1) көрсетілетін қызметті берушіге құжаттардың топтамасын тапсырған, сондай-ақ порталға жүгінген кезден бастап - 18 (он сегіз) ай ішінде. Өтінім берушінің өтінішхаты негізінде сараптама ұйымы мәліметтерді мерзімінен бұрын жариялайды.

Мерзім:

көрсетілетін қызметті алушы белгіленген мөлшерде өтінім бергені үшін төлемді растайтын құжатты ұсынуы қажет болған жағдайда төрт айдан аспайтын мерзімге;

көрсетілетін қызметті алушы конвенциялық басымдық сұратқан кезде бірінші өтінім көшірмесін ұсыну қажеттілігі жағдайында алты айдан аспайтын мерзімге;

көрсетілетін қызметті алушы мәні бойынша сараптама жүргізу үшін төлемді растайтын құжатты ұсынуы қажет болған жағдайда үш айдан аспайтын мерзімге;