(БҰРЫНҒЫ РЕДАКЦИЯ) «КӘСІПКЕРЛІК САЛАСЫНДАҒЫ МЕМЛЕКЕТТІК КӨРСЕТІЛЕТІН ҚЫ...

Кәсіпкерлік саласындағы мемлекеттік көрсетілетін қызметтер регламенттерін бекіту туралы
Шығыс Қазақстан облысы әкімдігінің 2015 жылғы 21 қазандағы № 280 Қаулысы

Осы редакция 2016 жылғы 6 желтоқсанда енгізілген өзгерістеріне дейін қолданылды

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 27-бабының 2-тармағына, «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңының 16-бабына, «Кәсіпкерлік саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Ұлттық экономика министрінің 2015 жылғы 24 сәуірдегі № 352 (Нормативтік құқықтық актілерді мемлекеттік тіркеу тізілімінде тіркелген нөмірі 11181) бұйрығына сәйкес, Шығыс Қазақстан облысының әкімдігі ҚАУЛЫ ЕТЕДІ:

1. Қоса беріліп отырған мына:

1) «Бизнестiң жол картасы - 2020» бағдарламасы шеңберiнде кредиттер бойынша сыйақы мөлшерлемесіне субсидия беру» мемлекеттік көрсетілетін қызмет регламенті;

2) «Бизнестiң жол картасы - 2020» бағдарламасы шеңберiнде кредиттер бойынша кепiлдiктер беру» мемлекеттік көрсетілетін қызмет регламенті;

3) «Бизнестiң жол картасы - 2020» бағдарламасы шеңберiнде мемлекеттік гранттар беру» мемлекеттік көрсетілетін қызмет регламенті;