«Наркологиялық ұйымнан анықтама беру» мемлекеттік көрсетілетін қызмет регламенті» Павлодар облысы әкімдігінң 2015 жылғы 28 мамырдағы № 160/5 қаулысымен бекітілді (2016.19.02. берілген өзгерістермен) (күші жойылды)

Павлодар облысы әкімдігінің

2015 жылғы 28 мамырдағы

№ 160/5 қаулысымен

бекітілді

Павлодар облысы әкімдігінің 2021 жылғы 18 қаңтардағы № 27/1 Қаулысымен күші жойылды

Павлодар облыстық әкімдігінің 2016.19.02. № 41/2 Қаулысымен «Наркологиялық диспансерден» сөздері «Наркологиялық ұйымнан» сөздерімен ауыстырылды, «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорнының Павлодар облысы бойынша филиалы (бұдан әрі - ХҚО)»сөздері «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация)» сөздерімен ауыстырылды, «ХҚО-да», «ХҚКО-да» сөздері «Мемлекеттік корпорацияда» сөздерімен ауыстырылды, «халыққа қызмет көрсету орталығымен» сөздері «мемлекеттік корпорациямен» сөздерімен ауыстырылды, «ХҚКО» сөзі «Мемлекеттік корпорация» сөздерімен ауыстырылды; «, тиісті анықталған жағдайлар кезінде қосымша медициналық қарауға наркологиялық диспансерге жіберіледі», «Қазақстан Республикасының азаматына» сөздері алынып тасталды (бұр.ред.қара)

«Наркологиялық ұйымнан анықтама беру»
мемлекеттік көрсетілетін қызмет регламенті
(2016.19.02. берілген өзгерістермен)

1. Жалпы ережелер

1. «Наркологиялық ұйымнан анықтама беру» мемлекеттік көрсетілетін қызметін (бұдан әрі - мемлекеттік көрсетілетін қызмет) денсаулық сақтау ұйымдары (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік қызметті көрсету нәтижелерін беру:

1) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация);

2) көрсетілетін қызметті беруші арқылы жүзеге асырылады.

2. Мемлекеттік қызметті көрсету нысаны - қағаз түрінде.

3. Мемлекеттік қызметті көрсету нәтижесі:

Мемлекеттік корпорацияда - Қазақстан Республикасының азаматына диспансерлік есепте тұратыны/тұрмайтыны туралы анықтама беру;

денсаулық сақтау ұйымдарында - диспансерлік есепте тұратыны/тұрмайтыны туралы нарколог дәрігердің анықтама беруі, тиісті анықталаған жағдайлар кезінде қосымша медициналық тексеру жүргізіледі.