(БҰРЫНҒЫ РЕДАКЦИЯ) «І САНАТТАҒЫ ОБЪЕКТІЛЕР ҮШІН МЕМЛЕКЕТТІК ЭКОЛОГИЯЛЫҚ...

Осы редакция 2017 жылғы 22 желтоқсанда енгізілген өзгерістеріне дейін қолданылды

Қазақстан Республикасы

Энергетика министрінің

2015 жылғы 22 мамырдағы

№ 369 бұйрығына 5-қосымша

«І санаттағы объектілер үшін мемлекеттік экологиялық сараптама қорытындысын беру»

мемлекеттік көрсетілетін қызмет регламенті

«I санаттағы объектілер үшін мемлекеттік экологиялық сараптама қорытындысын беру» мемлекеттік көрсетілетін қызмет стандартын қараңыз

1. Жалпы ережелер

1. «І санаттағы объектілер үшін мемлекеттік экологиялық сараптама қорытындысын беру» мемлекеттік қызметін (бұдан әрі - мемлекеттік қызмет) Қазақстан Республикасы Энергетика министрлігінің Мұнай-газ кешеніндегі экологиялық реттеу, бақылау және мемлекеттік инспекциялау комитеті (бұдан әрі - Комитет) және оның аумақтық бөлімшелері (бұдан әрі - қызмет көрсетуші) көрсетеді.

2. Қызметті көрсету нысаны - электронды (ішінара автоматтандырылған) және (немесе) қағаз түрінде.

3. Мемлекеттік қызметті көрсету нәтижесі - уәкілетті лауазымды адамның электронды цифрлық қолтаңбасымен (бұдан әрі - ЭЦҚ) куәландырылған электронды құжат нысанындағы І санаттағы объектілер үшін «келісіледі/келісілмейді» деген тұжырыммен мемлекеттік экологиялық сараптама қорытындысы.

2. Мемлекеттік қызмет көрсету процесінде көрсетілетін қызметті берушілердің құрылымдық

 бөлімшелерінің (қызметкерлерінің) іс-қимыл тәртібін сипаттау

4. Қазақстан Республикасы Энергетика министрінің 2015 жылғы 23 сәуірдегі № 301 бұйрығымен бекітілген «І санаттағы объектілерге мемлекеттік экологиялық сараптама қорытындысын беру» мемлекеттік көрсетілетін қызмет стандартының (бұдан әрі - Мемлекеттік көрсетілетін қызмет стандарты) (нормативті құқықтық актілерді мемлекеттік тіркеу реестрінде 11229 тіркелінген) 9-тармағына сәйкес құжаттарды қосымша ұсына отырып, көрсетілетін қызметті алушының өтініші немесе электрондық сұрауы мемлекеттік көрсетілетін қызметті көрсету бойынша рәсімді (іс-қимылдар) бастау үшін негіздеме болып табылады.

5. Мемлекеттік қызмет көрсету процесінің құрамына кіретін әрбір рәсімнің (іс-қимылдың) мазмұны, оның орындалу ұзақтығы: