(БҰРЫНҒЫ РЕДАКЦИЯ) «ҚОРҒАНШЫЛЫҚ ЖӘНЕ ҚАМҚОРШЫЛЫҚ ЖӨНІНДЕ АНЫҚТАМАЛАР БЕ...

Осы редакция 2016 жылғы 7 сәуірде енгізілген өзгерістеріне дейін қолданылды

Астана қаласы әкімдігінің

2015 жылғы 9 қыркүйектегі

№ 107-1565 қаулысына

1-қосымша

«Қорғаншылық және қамқоршылық жөнінде анықтамалар беру»

мемлекеттік көрсетілетін қызмет регламенті

1. Жалпы ережелер

1. «Қорғаншылық және қамқоршылық жөнінде анықтамалар беру» мемлекеттік көрсетілетін қызметі (бұдан әрі - мемлекеттік көрсетілетін қызмет) «Астана қаласының Білім басқармасы» мемлекеттік мекемесі (бұдан әрі - көрсетілетін қызметті беруші) көрсетіледі.

Өтінішті қабылдау және мемлекеттік қызмет көрсетудің нәтижесін беру Қазақстан Республикасы Инвестициялар және даму министрлігінің Байланыс, ақпараттандыру және ақпарат комитетінің Астана қаласы бойынша «Халыққа қызмет көрсету орталықтары» шаруашылық жүргізу құқығындағы республикалық мемлекеттік кәсіпорны (бұдан әрі - ХҚКО), «Электронды үкімет» www.egov.kz (бұдан әрі - портал) арқылы жүргізу негізінде жүзеге асырылады.

2. Мемлекеттік қызмет көрсету нысаны - электрондық (толық автоматтандырылған) және (немесе) қағаз түрінде.

3. Мемлекеттік қызмет көрсетудің нәтижесі - Қазақстан Республикасы Білім және ғылым министрінің 2015 жылғы 13 сәуірдегі № 198 бұйрығымен бекітілген «Қорғаншылық және қамқоршылық жөнінде анықтамалар беру» мемлекеттік қызмет стандартына (бұдан әрі - Стандарт) 1-қосымшаға сәйкес нысан бойынша қорғаншылық және қамқоршылық жөнінде анықтама беру.

2. Мемлекеттік қызметті көрсету үдерісінде көрсетілетін қызметті берушінің құрылымдылық бөлімшелерінің (қызметкерлерінің) іс-қимыл тәртібінің сипаттамасы

4. Мемлекеттік қызметті көрсету бойынша рәсімді бастаудың негізі:

ХҚКО-ға жүгінген кезде - көрсетілетін қызметті алушының Стандарттың 9-тармағында қарастырылған қажетті құжаттарды ұсынуымен Стандартқа 2-қосымшаға сәйкес нысан бойынша өтініші;