(БҰРЫНҒЫ РЕДАКЦИЯ) «ЭЛЕКТР ЖӘНЕ ЭНЕРГИЯ ҚОНДЫРҒЫЛАРЫНЫҢ ТЕХНИКАЛЫҚ ЖАЙ-...

Осы редакция 2019 жылғы 18 ақпанда енгізілген өзгерістеріне дейін қолданылды

ҚР Энергетика министрінің 2017.17.02. № 54 бұйрығымен мемлекеттік көрсетілетін қызмет стандарты жаңа редакцияда (бұр.ред.қара)

Қазақстан Республикасы

Энергетика министрінің

2015 жылғы 14 сәуірдегі

№ 281 бұйрығына

9-қосымша

«Электр және энергия қондырғыларының техникалық жай-күйі мен оларды пайдалану қауіпсіздігін бақылау үшін электр және жылу энергиясын өндіруді, беруді және бөлуді жүзеге асыратын ұйымдар басшыларының, мамандарының техникалық пайдалану қағидаларын және қауіпсіздік қағидаларын білуін біліктілік тексеру»

мемлекеттік көрсетілетін қызмет стандарты

(2017.17.02. берілген өзгерістермен)

1-тарау. Жалпы ережелер

1. «Электр және энергия қондырғыларының техникалық жай-күйі мен оларды пайдалану қауіпсіздігін бақылау үшін электр және жылу энергиясын өндіруді, беруді және бөлуді жүзеге асыратын ұйымдар басшыларының, мамандарының техникалық пайдалану қағидаларын және қауіпсіздік қағидаларын білуін біліктілік тексеру» мемлекеттік көрсетілетін қызметі (бұдан әрi - мемлекеттiк көрсетілетін қызмет).

2. Мемлекеттік көрсетілетін қызмет стандартын Қазақстан Республикасының Энергетика министрлігі (бұдан әрi - Министрлік) әзірледі.

3. Мемлекеттiк қызметті Министрлiктің Атомдық және энергетикалық қадағалау мен бақылау комитеті (бұдан әрі - көрсетілетін қызметті беруші) көрсетедi.

Өтінішті қабылдау және мемлекеттік қызметті көрсету нәтижелерін беру: «электрондық үкiметтiң» www.egov.kz, www.elicense.kz веб-порталы (бұдан әрi - портал) арқылы жүзеге асырылады.

2-тарау. Мемлекеттiк қызметті көрсету тәртiбi

4. Мемлекеттiк қызметті көрсету мерзiмi порталға құжаттар топтамасын тапсырған сәттен бастап күнтізбелік 30 (отыз) күннен кешіктірілмей көрсетіледі.

Көрсетілетін қызметті беруші көрсетілетін қызметті алушының құжаттарын алған сәттен бастап екі жұмыс күні ішінде ұсынылған құжаттардың толықтығын тексереді.