«Жеке және (немесе) заңды тұлғалардың объектiлердi Ұлттық мәдени игiлiк объектiлерiнiң мемлекеттiк тiзiлiмiне енгiзу туралы қолдаухаттарын қарау» мемлекеттік көрсетілетін қызмет регламенті (Қазақстан Республикасы Мәдениет және спорт министрінің м. а. 2015 жылғы 22 мамырдағы № 191 бұйрығына 3-қосымша) (күші жойылды)

ҚР Мәдениет және спорт министрінің 2017.21.07. № 212 бұйрығымен алып тасталды

Қазақстан Республикасы

Мәдениет және спорт министрі

міндетін атқарушының

2015 жылғы 22 мамырдағы

№ 191 бұйрығына

3-қосымша

«Жеке және (немесе) заңды тұлғалардың объектiлердi Ұлттық мәдени

игiлiк объектiлерiнiң мемлекеттiк тiзiлiмiне енгiзу туралы қолдаухаттарын қарау»

мемлекеттік көрсетілетін қызмет регламенті

1. Жалпы ережелер

1. «Ұлттық мәдени игілік объектілерінің мемлекеттік тізіліміне объектілерді қосу туралы жеке және (немесе) заңды тұлғалардың өтініштерін қарау» мемлекеттік көрсетілетін қызметті Қазақстан Республикасы Мәдениет және спорт министрінің 2015 жылғы 22 сәуірдегі № 146 бұйрығымен бекітілген, Нормативтік құқықтық актілерді мемлекеттік тіркеу тізілімінде № 11238 тіркелген «Ұлттық мәдени игілік объектілерінің мемлекеттік тізіліміне объектілерді қосу туралы жеке және (немесе) заңды тұлғалардың өтініштерін қарау» мемлекеттік көрсетілетін қызмет стандартына сәйкес (бұдан әрі - стандарт) Қазақстан Республикасы Мәдениет және спорт министрлігі (бұдан әрі - көрсетілетін қызметті беруші) көрсетеді.

«Ұлттық мәдени игілік объектілерінің мемлекеттік тізіліміне объектілерді қосу туралы жеке және (немесе) заңды тұлғалардың өтініштерін қабылдау (бұдан әрі - өтініш) және мемлекеттік қызмет көрсетудің нәтижелерін беру көрсетілетін қызметті берушінің кеңсесі арқылы іске асырылады.

2. Мемлекеттік қызмет көрсетудің нысаны - қағаз түрінде.

3. Мемлекеттік қызмет көрсету нәтижесі - объектілерге уақытша негізгі тәртіппен шешім шығару.

Мемлекеттік қызмет көрсету нәтижесін беру нысаны - қағаз түрінде.

2. Көрсетілетін қызметті беруші қызметкерлерінің мемлекеттік
қызмет көрсету үдерісіндегі әрекет ету тәртібінің сипаттамасы

4. Мемлекеттік қызмет көрсету бойынша рәсімдерді (іс-қимыл) бастауға нотариалды куәландырылған сенімхат бойынша жеке немесе заңды тұлғадан немесе оның өкілінен Стандарттың 9-тармағында көзделген қолдаухат немесе құжаттарды қабылдау негіз болып табылады.