(БҰРЫНҒЫ РЕДАКЦИЯ) «БИЗНЕСТIҢ ЖОЛ КАРТАСЫ 2020» БИЗНЕСТІ ҚОЛДАУ МЕН ДАМ...

Осы редакция 2017 жылғы 12 маусымда енгізілген өзгерістеріне дейін қолданылды

Шығыс Қазақстан облысы әкімдігінің

2015 жылғы 21 қазандағы

№ 280 қаулысымен

бекітілген

Шығыс Қазақстан облысы әкімдігінің 2016.06.12. № 364 Қаулысымен тақырыбы жаңа редакцияда (бұр.ред.қара)

«Бизнестiң жол картасы 2020» бизнесті қолдау мен дамытудың бірыңғай бағдарламасы

шеңберiнде кредиттер бойынша сыйақы мөлшерлемесінің бір бөлігіне субсидия беру

(2016.06.12. берілген өзгерістермен)

1. Жалпы ережелер

Шығыс Қазақстан облысы әкімдігінің 2016.06.12. № 364 Қаулысымен 1-тармақ жаңа редакцияда (бұр.ред.қара)

1. «Бизнестiң жол картасы 2020» бизнесті қолдау мен дамытудың бірыңғай бағдарламасы шеңберiнде кредиттер бойынша сыйақы мөлшерлемесінің бір бөлігіне субсидия беру» мемлекеттік көрсетілетін қызметін (бұдан әрі - мемлекеттік көрсетілетін қызмет) облыстың жергілікті атқарушы органы (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік қызметті көрсету нәтижелерін беру облыстың, облыстық және аудандық маңызы бар қалалардың жергілікті атқарушы органдарының кеңсесі арқылы жүзеге асырылады.

2. Мемлекеттік қызмет көрсету нысаны: қағаз түрінде.

3. Мемлекеттік қызмет көрсету нәтижесі: Өңірлік үйлестіру кеңесі (бұдан әрі - ӨҮК) отырысы хаттамасының көшірмесі.

Мемлекеттік қызмет көрсету нәтижесін ұсыну нысаны: қағаз түрінде.

2. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің

(қызметкерлерінің) іс-қимыл тәртібін сипаттау

4. Мемлекеттік қызмет көрсету бойынша рәсімді (іс-қимылды) бастауға көрсетілетін қызметті алушының (не сенімхат бойынша оның өкілінің) құжаттарының болуы негіздеме болып табылады.

5. Мемлекеттiк қызмет көрсету процесінің құрамына кiретiн рәсiмдердің (iс-қимылдардың) мазмұны, орындалу ұзақтығы: