Бухгалтерлік есептеудің 19 стандарты. Мемлекеттік емес ерікті зейнет қорының есебі және оның есептемесін құру (Қазақстан Республикасының Бухгалтерлік есеп жөніндегі Ұлттық комиссиясының 1996 ж. 15 қарашадағы № 5 қаулысымен бекітілген) (ҚР Қаржы министрлігінің 05.05.99 ж. № 182; 21.12.02 ж. № 568 бұйрықтарымен енгізілген өзгерістерімен) (күші жойылды)

ҚР Қаржы министрінің 2007 жылғы 21 маусымдағы № 217 бұйрығымен  күші жойылды

Қазақстан Республикасының

Бухгалтерлiк есеп жөніндегі

Ұлттық комиссиясының

1996 жылғы 15 қарашадағы

№ 5 қаулысымен бекітілдi

Бухгалтерлiк есептеудiң 19 стандарты
Жинақтаушы зейнетақы қорының есеп
беруді жасауы және есебі
(ҚР Қаржы министрлігінің 05.05.99 ж. № 182;
21.12.02 ж. № 568 бұйрықтарымен енгізілген өзгерістерімен)

ҚР Қаржы министрлігінің 05.05.99 ж. № 182 бұйрығымен тақырыбы жаңа редакцияда

Қызметтiң мақсаты мен саласы

ҚР Қаржы министрлігінің 05.05.99 ж. № 182 бұйрығымен 1-тармақ өзгертілді

1. Бұл стандарттың мақсаты жинақтаушы зейнетқорының (бұдан әрi - қор) есеп беру және қаржылық есептемесiн құру тәртібін анықтау болып табылады.

ҚР Қаржы министрлігінің 05.05.99 ж. № 182 бұйрығымен 2-тармақ жаңа редакцияда

2. Осы стандарт салымшылардың жарналары және инвестициялық қызметтен түскен табыс есебінен жинақтаушы зейнетақы қорын құру жөніндегі шарттарды қарастырады және мемлекеттік жүйе шеңберіндегі әлеуметтік қамсыздандыру шарттарын қарастырмайды.

Анықтама

ҚР Қаржы министрлігінің 05.05.99 ж. № 182 бұйрығымен 3-тармақ өзгертілді

3. Зейнеткерлiк қамтамасыз ету жөніндегі бағдарлама дегенiмiз жұмыс берушiнiң жұмыс кезiнде немесе жұмыс бiткеннен кейiн қызметкерлердi зейнетақылармен қамтамасыз ететiн (жыл сайынғы табыс түрiнде немесе бiрмезетте төленетiн сома түрiнде) келісім болып табылады. Бұл орайда жұмыс берушiнiң өз қызметкерлерiне беретiн зейнетақылары мен төлемдерi зейнетақы белгiленгенге дейiн құжат ережелерiне немесе жұмыс берушiнiң практикасына сәйкес анықталуы немесе белгiленуi мүмкiн.

Сондай-ақ бұл - жеке тұлғаның зейнеткерлiк қамтамасыз ету жөніндегі бағдарламаға жарна қосуды жүзеге асыратын келісімi болып табылады.

4. Жарналардың көлемi белгiленген зейнеткерлiк схема дегенiмiз инвестициялардан кiрiстерiмен қоса қорға қосылатын аударылымдарға сәйкес зейнетақы төлемдерi анықталатын зейнеткерлiк қамтамасыз ету схемасы.

Қордың есебi мен есептемесi

ҚР Қаржы министрлігінің 05.05.99 ж. № 182 бұйрығымен 5-тармақ жаңа редакцияда