Қазақстан Республикасы Үкіметінің 1997 жылғы 27 маусымдағы № 1031 және 1997 жылғы 30 маусымдағы № 1037 қаулыларына өзгерістер мен толықтырулар енгізу туралы Қазақстан Республикасы Үкіметінің 1998 жылғы 29 желтоқсандағы № 1351 Қаулысы (күші жойылды)

Қазақстан Республикасы Үкіметінің 1997 жылғы 27 маусымдағы N
1031 және 1997 жылғы 30 маусымдағы № 1037 қаулыларына өзгерістер
мен толықтырулар енгізу туралы Қазақстан Республикасы
Үкіметінің 1998 жылғы 29 желтоқсандағы № 1351 Қаулысы

ҚР Үкіметінің 2008 ж. 12 маусымдағы № 578 Қаулысымен күші жойылды

Қазақстан Республикасының Үкіметі қаулы етеді:

1. Қазақстан Республикасы Үкіметінің мынадай шешімдеріне өзгерістер мен толықтырулар енгізілсін:

1) Қазақстан Республикасы Үкіметінің "Қазақстан Республикасында этил спирті мен арақ импортын лицензиялау туралы" 1997 жылғы 27 маусымдағы № 1031 қаулысына (Қазақстан Республикасы Үкіметінің ПҮАЖ-ы, 1997 ж., № 29, 263-құжат):

тақырыбындағы, мәтініндегі "арақ", "арақты", "арақтың" деген сөздер "алкогольді өнімдер (сырадан басқа)" деген сөздермен ауыстырылсын;

3-тармақта:

бірінші абзацтағы "сатудың" деген сөз "өндірудің" деген сөзбен ауыстырылсын;

екінші абзацтағы "Қаржы министрлігі" деген сөздер "Мемлекеттік кіріс министрлігі" деген сөздермен ауыстырылсын;

көрсетілген қаулымен бекітілген Қазақстан Республикасында этил спирті мен арақтың импортын лицензиялаудың тәртібі туралы ережеде:

тақырыбындағы, мәтініндегі "арақтың" деген сөз "алкогольді өнімнің (сырадан басқа)" деген сөздермен ауыстырылсын;

3-тармақтың екінші абзацындағы "Экономика және сауда министрлігі" деген сөздер "Мемлекеттік кіріс министрлігінің Алкогольді өнімді өндіру мен олардың айналымына мемлекеттік бақылау жасау жөніндегі комитеті" деген сөздермен ауыстырылсын;

4-тармақтың бірінші абзацында:

в)-тармақшасының үшінші абзацындағы "(патент)" деген сөз алынып тасталсын;

д)-тармақшасындағы "өндірісіне" деген сөзден кейін "немесе этил спиртін сақтауға және сатуға" деген сөздермен толықтырылсын;

мынадай мазмұндағы ж)-тармақшасымен толықтырылсын:

"ж) алкогольді өнімнің импорты кезінде алкогольді өнімді (сырадан басқа) сақтауға және көтерме сатуға арналған лицензиясы.";

екінші абзацтағы "в", "д"-тармақшаларындағы" деген сөздерден кейін "ж" әрпімен толықтырылсын;

5-тармақтың екінші абзацындағы "кешікпей" деген сөзден кейін "ал шағын кәсіпкерлік субъектілері үшін - он күндік мерзімнен кешікпей" деген сөздермен толықтырылсын;

2) Қазақстан Республикасы Үкіметінің "Қазақстан Республикасында тауарлардың (жұмыстардың, қызмет көрсетулердің) экспорты мен импортын лицензиялау туралы" 1997 жылғы 30 маусымдағы № 1037 қаулысына (Қазақстан Республикасының ПҮАЖ-ы, 1997 ж., № 29, 266-құжат):

2,3,4-тармақтардағы "арақтардың" деген сөз "алкогольді өнімдердің (сырадан басқа)" деген сөздермен ауыстырылсын;

көрсетілген қаулыға 5-қосымшада:

"Этил спирті 220710000, 220720000, 220890910, 220890990" және "Арақ 220860110, 220860190, 220860910, 220860990" деген жолдар алынып тасталсын;

мынадай мазмұндағы жолдармен толықтырылсын:

"Шарап 2204, 2205, 2206

Этил спирті 2207

Толық бабына келтірілмеген, спиртінің көлемі 80 об.%-тен төмен этил спирті; спиртті тұнбалар, ликерлер және басқа да спиртті ішімдіктер 2208".

2. Осы қаулы 1999 жылдың 1 қаңтарынан бастап күшіне енеді және жариялануға жатады.

Қазақстан Республикасының

Премьер-Министрі