«Өсімдіктер карантині туралы» Қазақстан Республикасының Заңына толықтырулар мен өзгеріс енгізу туралы Қазақстан Республикасының Заңы (Жоба) (2003 ж. 26 наурыз)

Жоба

"Өсiмдiктер карантинi туралы" Қазақстан Республикасының Заңына
толықтырулар мен өзгерiс енгізу туралы Қазақстан Республикасының Заңы

ҚР Үкіметінің 2003 ж. 26 наурыздағы № 295 қаулысына сәйкес Заңның жобасы ҚР Парламентi Мәжілісiнiң қарауына енгізілді

"Өсiмдiктер карантинi туралы" Қазақстан Республикасының 1999 жылғы 11 ақпандағы Заңына (Қазақстан Республикасы Парламентiнiң Жаршысы, 1999 ж., № 2-3, 34-құжат; № 23, 931-құжат, 2002 ж., № 4, 30-құжат) мынадай толықтырулар мен өзгерiс енгiзiлсiн:

1) 7-бап мынадай мазмұндағы 4-1), 4-2), 4-3) тармақшалармен толықтырылсын:

"4-1) Қазақстан Республикасының заңнамасында белгiленген тәртiппен карантиндiк объектiлердiң таралу ошақтарын оқшаулау мен жою үшiн пестицидтердi (улы химикаттарды), оларды сақтау, тасымалдау, қолдану жөніндегі жұмыстар мен қызметтердi мемлекеттік сатып алуды ұйымдастырады және жүргiзедi, сондай-ақ пестицидтердiң (улы химикаттардың) қорын құрады;

4-2) карантиндiк объектiлердiң таралу ошақтарын анықтау, оқшаулау, жою және карантинге жатқызылған өнiмдi залалсыздандыру жөніндегі iс-шаралардың жүргiзiлуiн ұйымдастырады;