Қазақстан Республикасының Yкіметі мен Беларусь Республикасы Yкіметінің арасындағы Әуе қатынасы туралы Келісім (1997 ж. 23 қыркүйек, Алматы қ.)

Қазақстан Республикасының Yкіметi мен Беларусь Республикасы Yкіметінің
арасындағы Әуе қатынасы туралы
Келісім
(Алматы қ., 1997 ж. 23 қыркүйек)

Осы келісімді ратификациялау туралы Заңның жобасы ҚР Парламенті Мәжілісінің қарауына ҚР Үкіметінің 2009 жылғы 6 ақпандағы № 115 қаулысымен енгізілді

Қазақстан Республикасының Yкіметі мен Белоруссия Республикасының ?кіметі, бұдан былай «Келісуші Тараптар» деп аталады,

1944 жылғы 7 желтоқсанда Чикаго қаласында жасалған және Вашингтонда қол қою үшін ашылған Халықаралық азаматтық авиация туралы Конвенцияның қатысушылары ретiнде,

Келiсушi Тараптар мемлекеттерінің аумақтарының арасында, сондай-ақ тысқары жерлерде әуе қатынасын орнату мақсатында Келісім жасауға ынталана отырып,

төмендегілер туралы келiстi:

1-бап

Анықтамалар

1. Осы Келісімде, төмендегі атаулар мынаны бiлдiредi:

а) «Конвенция» атауы - 1944 жылғы 7 желтоқсанда Чикагода жасалған және Вашингтонда қол қою үшін ашылған Халықаралық азаматтық авиация туралы Конвенцияны бiлдiредi, және осы Конвенцияның 90-Бабына сай қабылданған кез келген Қосымшасын, және осы Келісімнiң Келiсушi Тараптарына осы Қосымшалар мен олардың түзетулері қолданылу дәрежесіне қарай, осы Қосымшалардың немесе Конвенцияның 90 және 94-баптарына сай қабылданған Конвенцияның кез келген түзетулерін де өзiне қосып алады;

б) «авиациялық билiк орындары» атауы - Қазақстан Республикасына қатысты - Қазақстан Республикасының Көлiк және коммуникациялар министрлігін, ал Белоруссия Республикасына қатысты Авиация жөнiндегі Мемлекеттік комитеттi бiлдiредi;

в) «тағайындалған авиакәсіпорын» атауы - осы Келісімнiң 3-бабына сәйкес тағайындалған және рұқсат алған авиакәсіпорынды бiлдiредi;

г) «аумақ», «әуе қатынасы», «халықаралық әуе қатынасы», «авиакәсіпорын» және «жүйелi әуе қатынасымен аялдама жасау» атаулары Конвенцияның 2 және 96-баптарында көрсетілген мағынаны білдiредi;

д) «тариф» атауы - жолаушыларды, багаж бен жүк тасымалы үшiн белгіленетiн бағаларды және агенттiк қызметтер мен өзге де қосымша қызметтердi қоса осы бағалар қолданылатын жағдайларды білдiредi, бiрақ бұған пошта төлемi мен тасымалының жағдайлары кiрмейдi;