(БҰРЫНҒЫ РЕДАКЦИЯ) ҚР ҮКІМЕТІНІҢ 2004 Ж. 25 АҚПАНДАҒЫ № 222 ҚАУЛЫСЫ

"Даму проблемалары бар балалар мен жасөспiрiмдердi әлеуметтiк бейiмдеу

және кәсiби еңбекпен оңалтудың республикалық ғылыми-практикалық орталығы"

мемлекеттiк мекемесiн қайта атау туралы Қазақстан Республикасы Үкіметінің

2004 жылғы 25 ақпандағы N 222 қаулысы

(ҚР Үкіметінің 24.06.04 ж. N 604 қаулысымен енгізілген өзгерістерімен)

Осы редакция 2004 ж. 28 қазанда енгізілген өзгерістеріне дейін қолданылды

Мүмкiндiктерi шектеулi балаларды әлеуметтiк және медициналық-педагогикалық түзеу арқылы қолдау жүйесiн ғылыми-әдiстемелiк қамтамасыз ету мақсатында Қазақстан Республикасының Үкiметi қаулы етеді:

1. "Даму проблемалары бар балалар мен жасөспiрiмдердi әлеуметтiк бейiмдеу және кәсiби еңбекпен оңалтудың республикалық ғылыми-практикалық орталығы" мемлекеттiк мекемесi "Түзеу педагогикасының ұлттық ғылыми-практикалық орталығы" мемлекеттiк мекемесi болып қайта аталсын.

2. Қазақстан Республикасының Бiлiм және ғылым министрлiгi Қазақстан Республикасының заңнамасында белгiленген тәртiппен:

1) Орталықтың жарғысын бекiтсiн және әдiлет органдарында қайта тiркелуiн қамтамасыз етсiн;

2) осы қаулыдан туындайтын өзге де шараларды қабылдасын.

ҚР Үкіметінің 24.06.04 ж. N 604 қаулысымен 3-тармақ өзгертілді

3. Қазақстан Республикасы Үкiметiнiң кейбiр шешiмдерiне мынадай өзгерiстер енгiзiлсiн:

1) "Қазақстан Республикасы Бiлiм және ғылым министрлiгiнiң мәселелерi" туралы Қазақстан Республикасы Үкiметiнiң 1999 жылғы 19 қарашадағы N 1754 қаулысына (Қазақстан Республикасының ПYКЖ-ы, 1999 ж., N 51, 504-құжат):

көрсетiлген қаулымен бекiтiлген Қазақстан Республикасы Бiлiм және ғылым министрлiгiнiң қарауындағы ұйымдардың тiзбесiнде:

"Мемлекеттiк мекемелер" деген 2-бөлiмде реттiк нөмiрi 167-3-жол мынадай редакцияда жазылсын:

"167-3. Түзеу педагогикасының ұлттық ғылыми-практикалық орталығы";

2) "Қазақстан Республикасының орталық атқарушы органдарына ведомстволық бағыныстағы мемлекеттiк мекемелер штат санының лимиттерін бекiту туралы" Қазақстан Республикасы Yкiметiнiң 2000 жылғы 12 ақпандағы N 229 қаулысында:

көрсетiлген қаулымен бекiтiлген, республикалық-бюджеттiң қаражаты есебінен қаржыландырылатын Қазақстан Республикасының орталық атқарушы органдарына ведомстволық бағыныстағы мемлекеттік мекемелер штат санының лимиттерінде:

1 "Қазақстан Республикасы Бiлiм және ғылым министрлiгi" бөлiмiнде:

"Даму проблемалары бар балалар мен

жасөспірімдерді әлеуметтiк бейiмдеу және

кәсiби еңбекпен оңалтудың республикалық

ғылыми-практикалық орталығы 132"

деген жол мынадай редакцияда жазылсын:

"Түзеу педагогикасының ұлттық ғылыми-

практикалық орталығы 165".

4. Осы қаулы қол қойылған күнiнен бастап күшiне енедi.

Қазақстан Республикасының