«Қазақстан Республикасы Президентінің байрағы және оның айырым белгілерінің ресми пайдаланылу тәртібі туралы» Қазақстан Республикасы Президентінің 1995 жылғы 29 желтоқсандағы № 2736 Жарлығы (2012.31.10. берілген өзгерістермен)

Қазақстан Республикасы Президентінің байрағы және оның айырым белгілерінің ресми пайдаланылу тәртібі туралы
Қазақстан Республикасы Президентінің 1995 жылғы 29 желтоқсандағы № 2736 Жарлығы

(2012.31.10. берілген өзгерістермен)

ҚАУЛЫ ЕТЕМІН:

1. Республика Президентінің байрағы мен омырау белгісі мемлекеттің ең жоғары лауазымды адамының ресми айырым белгілері болып табылады деп белгіленсін.

2. Қазақстан Республикасы Президенті байрағының сипаттамасы қосымшаға сәйкес бекітілсін.

3. Былай деп белгіленсін:

1) Қазақстан Республикасы Президенті байрағының эталоны орналасатын жер Қазақстан Республикасының астанасындағы Қазақстан Республикасы Президентінің Резиденциясындағы қызмет кабинеті болып табылады;

2) Қазақстан Республикасы Президентінің байрағы Республика астанасындағы Мемлекет басшысы тұратын Резиденцияда, оларда Республика Президенті болған уақытта басқа резиденциялар үстінде, Республика Президентінің көлік құралдарында орнатылады.