Дауыс беру құқығын беретін есептен шығару куәліктерін дайындату мен табыс етудің тәртібі туралы нұсқаулықты бекіту туралы Қазақстан Республикасы Орталық сайлау комиссиясының 2007 жылғы 25 маусымдағы №90/171 қаулысы (күші жойылды)

Дауыс беру құқығын беретін есептен шығару куәліктерін дайындату мен табыс етудің тәртібі туралы нұсқаулықты бекіту туралы
Қазақстан Республикасы Орталық сайлау комиссиясының  2007 жылғы 25 маусымдағы   №90/171 қаулысы

ҚР Орталық сайлау комиссиясының 2009 жылғы 8 сәуірдегі № 161/306 Қаулысымен күші жойылды

«Қазақстан Республикасындағы сайлау туралы» Қазақстан Республикасы Конституциялық заңының 12 және 41-баптарына сәйкес Қазақстан Республикасының Орталық сайлау комиссиясы қаулы етеді:

1. Қоса беріліп отырған Дауыс беру құқығын беретін есептен шығару куәліктерін дайындату мен табыс етудің тәртібі туралы нұсқаулық бекітілсін.

2. «Дауыс беру құқығын беретін есептен шығару куәліктерін табыс ету туралы нұсқаулықты бекіту туралы» (Нормативтік құқықтық актілерді мемлекеттік тіркеу тізілімінде тіркелген, тіркеу №3607)  Қазақстан Республикасы   Орталық   сайлау  комиссиясының  2005  жылғы  26  сәуірдегі №1/2 қаулысының күші жойылды деп танылсын.

3. Осы қаулы оны ресми жариялаған күннен бастап қолданысқа енгізіледі.

Қазақстан Республикасы

Орталық сайлау  комиссиясының

2007 жылғы 25 маусымдағы №90/171

 қаулысымен бекітілген

Дауыс беру құқығын беретін есептен шығару  куәліктерін дайындату мен

 табыс етудің тәртібі туралы нұсқаулық

1. Дауыс беру құқығын беретін есептен шығару куәлігі (бұдан әрі - есептен шығару куәлігі) қатаң бақылаудағы құжат болып табылады. Есептен шығару куәліктерін дайындату, беру және сақтау үшін тиісті сайлау комиссияларының төрағалары жауапты болады.