«Концессия объектілерін мемлекеттік меншікке кабылдау қағидаларын бекіту туралы» Қазақстан Республикасы Қаржы министрінің 2008 жылғы 30 желтоқсандағы № 642 бұйрығы (2016.28.09. берілген өзгерістер мен толықтырулармен)

Концессия объектілерін мемлекеттік меншікке кабылдау қағидаларын бекіту туралы

Қазақстан Республикасы Қаржы министрінің 2008 жылғы 30 желтоқсандағы № 642 бұйрығы

(2016.28.09. берілген өзгерістер мен толықтырулармен)

ҚР Қаржы министрінің 2016.28.09. № 511 бұйрығымен тақырыбы жаңа редакцияда (бұр.ред.қара)

«Концессиялар туралы» Қазақстан Республикасының 2006 жылғы 7 шілдедегі Заңының 11-бабының 6-тармақшасына сәйкес БҰЙЫРАМЫН:

ҚР Қаржы министрінің 2016.28.09. № 511 бұйрығымен 1-тармақ жаңа редакцияда (бұр.ред.қара)

1. Қоса беріліп отырған Концессия объектілерін мемлекеттік меншікке қабылдау қағидалары бекітілсін.

2. Қазақстан Республикасы Қаржы министрлігінің Мемлекеттік активтерді басқару және мемлекеттік сатып алу әдіснамасы департаменті (Б.К. Тәшенов) заңнамада белгіленген тәртіппен осы бұйрықтың Қазақстан Республикасы Әділет министрлігінде мемлекеттік тіркелуін және оның кейіннен ресми бұқаралық ақпарат құралдарында жариялануын қамтамасыз етсін.

3. Осы бұйрық алғаш рет ресми жарияланған күннен кейін он күнтізбелік күн өткен соң қолданысқа енгізіледі.

Қазақстан Республикасы

Қаржы министрінің

2008 жылғы 30 желтоқсандағы

№ 642 бұйрығымен

Бекітілген

ҚР Қаржы министрінің 2016.28.09. № 511 бұйрығымен тақырыбы жаңа редакцияда (бұр.ред.қара)

Концессия объектілерін мемлекеттік меншікке қабылдау

қағидалары

ҚР Қаржы министрінің 2016.28.09. № 511 бұйрығымен кіріспе жаңа редакцияда (бұр.ред.қара)

Осы Концессия объектілерін мемлекеттік меншікке қабылдау қағидалары (бұдан әрі - Қағидалар) «Концессиялар туралы» 2006 жылғы 7 шілдедегі Қазақстан Республикасының Заңы (бұдан әрі - Заң) 11-бабының 6-тармақшасына сәйкес әзірленген және Концессия объектілерін мемлекеттік меншікке қабылдаудың тәртібін айқындайды. 

1. Жалпы ережелер

ҚР Қаржы министрінің 2013.13.09. № 437 бұйрығымен 1-тармақ жаңа редакцияда (бұр.ред.қара)

1. Егер концессия шартында өзгеше көзделмесе, концессия шартының талаптарын орындау нәтижесінде пайда болған концессия объектілері құрылғаннан кейін мемлекеттік меншікке беріледі.