«Семей полигонындағы ядролық сынақтардың салдарынан зардап шеккен адамдарды дербес есепке алу туралы, Мемлекеттік ғылыми автоматтандырылған медициналық тіркелімге Қазақстан Республикасының азаматтарын бірыңғай тіркеуді жүргізу жөніндегі нұсқаулықты және Мемлекеттік ғылыми автоматтандырылған медициналық тіркелімнің тіркеу картасының нысандарын бекіту туралы» Қазақстан Республикасы Денсаулық сақтау министрінің 2012 жылғы 2 тамыздағы № 522 бұйрығы

Семей полигонындағы ядролық сынақтардың салдарынан зардап шеккен адамдарды дербес есепке алу туралы, Мемлекеттік ғылыми автоматтандырылған медициналық тіркелімге Қазақстан Республикасының азаматтарын бірыңғай тіркеуді жүргізу жөніндегі нұсқаулықты және Мемлекеттік ғылыми автоматтандырылған медициналық тіркелімнің тіркеу картасының нысандарын бекіту туралы
Қазақстан Республикасы Денсаулық сақтау министрінің 2012 жылғы 2 тамыздағы № 522 бұйрығы

«Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы» Қазақстан Республикасының 1992 жылы 18 желтоқсандағы Заңының 17-бабына сәйкес БҰЙЫРАМЫН:

1. Облыстардың, Астана және Алматы қалалары денсаулық сақтау

басқармаларының бастықтары:

1) Семей ядролық сынақ полигоны жұмысының нәтижесінде зардап шеккен адамдарды дербес есепке алуды жүргізуді ұйымдастырсын, орындауға жауапты тұлғаны тағайындасын;

2) ай сайын келесі айдың 5-күніне барлық денсаулық сақтау ұйымдары Қазақстан Республикасы Денсаулық сақтау министрлігінің «Радиациялық медицина және экология ғылыми-зерттеу институты» республикалық мемлекеттік қазыналық кәсіпорнына (бұдан әрі - РМЭ ҒЗИ) толтырылған тіркеу карталарын ұсынуды қамтамасыз етсін;

2. Мыналар:

1) осы бұйрыққа 1-қосымшаға сәйкес «Мемлекеттік ғылыми автоматтандырылған медициналық тіркелімнің (бұдан әрі - МҒАМТ) тіркеу картасы» нысаны;

2) осы бұйрыққа 2-қосымшаға сәйкес Семей ядролық сынақ полигоны жұмысының нәтижесінде зардап шеккен адамдардың Мемлекеттік ғылыми автоматтандырылған медициналық тіркеліміне Қазақстан Республикасының азаматтарын бірыңғай тіркеуді жүргізу жөніндегі нұсқаулық (бұдан әрі - Нұсқаулық) бекітілсін.

3. РМӘ ҒЗИ (Қ.Н. Әпсалықов) Шығыс Қазақстан, Қарағанды, Павлодар облыстары денсаулық сақтау басқармаларының бастықтарымен (келісім бойынша) бірлесіп: