Жетім балалар мен ата-анасының қамқорлығынсыз қалған, ерекше білім берілуіне қажеттілігі бар балаларға арналған мектеп-интернаттар қызметінің үлгілік қағидалары (Қазақстан Республикасы Білім және ғылым министрінің 2013 жылғы 18 маусымдағы № 229 бұйрығына 8-қосымша) (2020.07.04. берілген өзгерістер мен толықтырулармен) (күші жойылды)

ҚР Білім және ғылым министрінің 2018.11.01. № 8 бұйрығымен 8-қосымшамен толықтырылды

Қазақстан Республикасы

Білім және ғылым министрінің

2013 жылғы 18 маусымдағы

№ 229 бұйрығына

8-қосымша

ҚР Білім және ғылым министрінің м.а. 2021 жылғы 29 желтоқсандағы № 614 бұйрығымен күші жойылды

Жетім балалар мен ата-анасының қамқорлығынсыз қалған, ерекше

білім берілуіне қажеттілігі бар балаларға арналған мектеп-интернаттар қызметінің

үлгілік қағидалары

(2020.07.04. берілген өзгерістер мен толықтырулармен)

1-бөлім. Негізгі ережелер

1. Осы Жетім балалар мен ата-анасының қамқорлығынсыз қалған, ерекше білім берілуіне қажеттілігі бар балаларға арналған мектеп-интернаттар қызметінің үлгілік қағидалары (бұдан әрі - Қағида) жетім балалар мен ата-анасының қамқорлығынсыз қалған, ерекше білім берілуіне қажеттілігі бар балаларға арналған мектеп-интернаттар қызметінің (бұдан әрі - мектеп-интернат) тәртібін айқындайды.

2. Мектеп-интернатта әртүрлі жастағы және бірыңғай жастағы балалардан тәрбиелеу топтар құрылады. Топтағы балалар саны 15 адамнан аспауы тиіс

ҚР Білім және ғылым министрінің м.а. 2018.23.05. № 222 бұйрығымен 2-1-тармақпен толықтырылды

2-1. Мектеп-интернаттар жинақталмаған жағдайда Қазақстан Республикасы Білім және ғылым министрінің 2013 жылғы 22 ақпандағы № 50 бұйрығымен (Нормативтiк құқықтық актiлердi мемлекеттiк тізілімінде № 8390 болып тіркелген) бекітілген білім беру ұйымдары түрлері номенклатурасының 9-тармағында көрсетілген жетім балалар мен ата-анасының қамқорлығынсыз қалған балаларға арналған білім беру ұйымдарының бір түріне қайта құрылуы мүмкін.

2-бөлім. Мектеп-интернат қызметінің тәртібі

3. Мектеп-интернатқа жыл бойы 6 мен 18 жас аралығындағы:

1) ерекше білім берілуіне қажеттілігі бар жетім балалар;

2) ерекше білім берілуіне қажеттілігі бар ата-анасының қамқорлығынсыз қалған балалар қабылданады.