«Қазақстан Республикасы Сауда және интеграция министрлігінің жанында қоғамдық кеңес құрудың кейбір мәселелері» Қазақстан Республикасы Сауда және интеграция министрінің 2019 жылғы 15 тамыздағы № 18 бұйрығы

Қазақстан Республикасы Сауда және интеграция министрлігінің жанында қоғамдық кеңес құрудың кейбір мәселелері
Қазақстан Республикасы Сауда және интеграция министрінің 2019 жылғы 15 тамыздағы № 18 бұйрығы

«Қоғамдық кеңестер туралы» 2015 жылғы 2 қарашадағы Қазақстан Республикасының Заңы 8-бабының 4-тармағына сәйкес, 2015 жылғы 31 желтоқсандағы Қазақстан Республикасы Үкіметінің № 1194 қаулысымен бекітілген «Қоғамдық кеңес туралы үлгілік ережеге» сәйкес БҰЙЫРАМЫН:

1. Мыналар:

1) Осы бұйрыққа 1-қосымшаға сәйкес Қазақстан Республикасы Сауда және интеграция министрлігінің жанында Қоғамдық кеңес қалыптастыру жөніндегі Жұмыс тобының құрамы (бұдан әрі - жұмыс тобы);

2) Осы бұйрыққа 2-қосымшаға сәйкес бақылаушылар тізімі бекітілсін.

2. Жұмыс тобы:

1) Қазақстан Республикасы Сауда және интеграция министрлігі Қоғамдық кеңесінің (бұдан әрі - Қоғамдық кеңес) мүшелерін сайлау жөніндегі конкурс туралы хабарландыруды Қазақстан Республикасы Сауда және интеграция министрлігінің интернет-ресурсында жарияласын;

2) Қоғамдық кеңес мүшелерінің сандық құрамын айқындасын;

3) Қоғамдық кеңес мүшелерін сайлау рәсімін өткізсін;

4) Қоғамдық кеңес туралы ереже жобасын әзірлесін.

3. Жұмыс тобының қызметін ұйымдастырушылық қамтамасыз ету Қазақстан Республикасы Сауда және интеграция министрлігінің Ішкі сауда департаментіне жүктелсін.

4. Ішкі сауда департаменті:

жұмыс тобының құрамын Қазақстан Республикасы Сауда және интеграция министрлігінің интернет-ресурсында жарияласын;

осы бұйрықтан туындайтын өзге қажетті шараларды қабылдасын.

5. Осы бұйрықтың орындалуын бақылау Қазақстан Республикасы Сауда және интеграция министрлігінің Жауапты хатшысына жүктелсін.