Акциздеуге жататын өнімді өндіру мен сатудан алынған қаражаттың бюджетке түсуіне бақылауды күшейту жөніндегі қосымша шаралар туралы Қазақстан Республикасы Үкіметінің 1997 ж. 15 қаңтардағы № 68 қаулысы (ҚР Үкіметінің 19.01.99 ж. № 31 қаулысымен енгізілген өзгерістерімен)

Акциздеуге жататын өнiмдi өндiру мен сатудан алынған қаражаттың бюджетке
түсуiне бақылауды күшейту жөніндегі қосымша шаралар туралы Қазақстан
Республикасы Үкіметінiң 1997 ж. 15 қаңтардағы № 68 қаулысы
(ҚР Үкіметінің 19.01.99 ж. № 31 қаулысымен
енгізілген өзгерістерімен)

Қазақстан Республикасының аумағы бойынша спирттiң барлық түрiн тасымалдау кезiнде шығын мен ұрлыққа жол бермеу, сондай-ақ акциздеуге жататын өнiмдi шығару мен сатудан алынатын қаражаттың бюджетке түсуiне бақылауды күшейту мақсатында Қазақстан Республикасының Үкіметі қаулы етедi:

ҚР Үкіметінің 19.01.99 ж. № 31 қаулысымен 1-тармақ өзгертілді

1. Қазақстан Республикасының Мемлекеттік кіріс министрлігінің Салық комитетi Кеден комитетiмен, Көлiк және коммуникациялар министрлігімен бiрлесiп, спирттiң барлық түрлерiнiң өндiрушiден түпкiлiктi тұтынушыға дейiн жылжуын бақылау тетiгiн әзiрлесiн.

2. Қазақстан Республикасының Көлiк және коммуникациялар министрлігі темір жол басқармаларының тәулiк сайын аумақтық салық органдарына халықаралық түйiсу жолдары бойынша Қазақстан Республикасына спирттiң түскенi туралы хабарлап отыруын қамтамасыз етсiн.

ҚР Үкіметінің 19.01.99 ж. № 31 қаулысымен 3-тармақ өзгертілді

3. Қазақстан Республикасының Мемлекеттік кіріс министрлігінің Кеден комитетi:

Қазақстан Республикасы Мемлекеттік Kipіс министрлігінiң Алкоголь өнiмiн өндiрудi және оның айналымын мемлекеттік бақылау жөніндегі комитетi мен Салық комитетiне белгiленген нысан бойынша Қазақстан Республикасының кеден шекарасы арқылы өтетiн импортталған спирттiң, алкогольдi өнiмдердiң және сыраның барлық түрлерiнiң қозғалысы туралы ақпарат, сондай-ақ Қазақстан Республикасы Мемлекеттік кiрiс министрлігінiң Салық комитетіне Қазақстан Республикасының кеден шекарасы арқылы өтетiн темекi өнiмдерiнiң қозғалысы туралы ақпарат ұсынсын;

ұқсатылған өнiмi акциздеуге жататын тауар болып табылатын Қазақстан тауарларының Қазақстан Республикасының аумағынан тысқары жерлерде ұқсату режимiнiң орындалуына бақылауды күшейтсiн.

4. Қазақстан Республикасының Экономика министрлігі ұқсатылған өнiмi спирт, алкоголь, темекi өнiмдерi мен сыра болып табылатын тауарларды ұқсатуға қорытындылар беру тәжiрибесiн тоқтатсын.

5. Қазақстан Республикасының Стандарттау, метрология және сертификаттау жөніндегі комитетi және оның жергiлiктi жерлердегi органдары спирттiң барлық түрiн және алкоголь өнiмiн шығаруға лицензиялар беру жөніндегі комиссияның құрамына салық органдарының өкiлдерi мен "Казалко" спирт және алкоголь өнiмiн шығарушылар ассоциациясының өкiлдерiн енгiзсiн.

6. Қазақстан Республикасының Ұлттық статистикалық агенттiгi 1997 жылға арналған жұмыстар регламентiнде өнiм өндiрушiлер бойынша спирт пен алкоголь өнiмiн шығару мен сату туралы есептi көздейтiн болсын.

7. Қазақстан Республикасының Мемлекеттік салық комитетi 1997 жылдың 15 сәуiрiне дейiн 1997 жылдың I тоқсанындағы жұмыс нәтижелерi бойынша осы қаулының iске асырылу барысы мен тиiмдiлiгi туралы ақпарат ұсынатын болсын.

8. Осы қаулы жарияланған күнiнен бастап күшiне енедi.

Қазақстан Республикасы

Премьер-Министрінің