Қазақстан Республикасының дипломатиялық және оған теңестірілген өкілдігі туралы ережені бекіту туралы Қазақстан Республикасы Президентінің 2004 ж. 4 ақпанадағы № 1287 Жарлығы (2021.18.09. берілген өзгерістер мен толықтыруларымен)

Қазақстан Республикасының дипломатиялық және оған теңестiрiлген өкiлдiгi туралы ереженi бекіту туралы
Қазақстан Республикасы Президентінің 2004 ж. 4 ақпанадағы № 1287 Жарлығы

(2021.18.09. берілген өзгерістер мен толықтыруларымен)

ҚР Президентінің 2021.18.09. № 661 Жарлығымен кіріспе жаңа редакцияда (бұр.ред.қара)

«Қазақстан Республикасының дипломатиялық қызметi туралы» 2002 жылғы 7 наурыздағы Қазақстан Республикасы Заңының 6-бабының 27-13) тармақшасына сәйкес ҚАУЛЫ ЕТЕМІН:

1. Қоса берiлiп отырған Қазақстан Республикасының дипломатиялық және оған теңестiрiлген өкiлдiгi туралы ереже бекітілсiн.

2. Мыналардың күшi жойылды деп танылсын:

Қазақстан Республикасы Президентінің «Қазақстан Республикасының Елшiлiгі туралы ереженi бекіту туралы» 1992 жылғы 2 шілдедегі № 832 Жарлығы;

Қазақстан Республикасы Президентінің «Басқа мемлекеттерде тiркелген Қазақстан Республикасының Төтенше және Өкiлетті Елшiсiнiң негізгі мiндеттерi мен құқықтары туралы ереженi бекіту туралы» 1992 жылғы 2 шiлдедегi № 833 Жарлығы.

3. Осы Жарлық қол қойылған күнiнен бастап күшiне енедi.

Қазақстан Республикасының

Қазақстан Республикасы

Президентінің

2004 жылғы 4 ақпандағы

№ 1287 Жарлығымен

БЕКІТІЛГЕН

Қазақстан Республикасының дипломатиялық

және оған теңестiрiлген өкiлдiгi туралы

ЕРЕЖЕ

Осы Ереже Қазақстан Республикасының дипломатиялық және оған теңестірiлген өкiлдiгiнiң (бұдан әрi - өкiлдiк) мәртебесi мен өкiлеттіктерiн белгiлейдi.

1. Жалпы ережелер

1. Осы Ережеде мынадай ұғымдар пайдаланылады:

1) Қазақстан Республикасының Елшiлігі - Мемлекет басшысы жанында аккредиттелетін, Төтенше және Өкiлетті Елшi басқаратын, орналасқан мемлекетiнде Қазақстан Республикасының өкiлдiгiн жүзеге асыратын дипломатиялық өкiлдiк болып табылатын Қазақстан Республикасының шет елдегi мекемесi;