«Қазақстан Республикасындағы сайлау туралы» Қазақстан Республикасының Конституциялық заңына өзгерістер мен толықтырулар енгізу туралы» Қазақстан Республикасы Конституциялық заңын Қазақстан Республикасының Конституциясына сәйкестігі тұрғысында тексеру туралы Қазақстан Республикасы Конституциялық Кеңесінің 2004 жылғы 9 сәуірдегі № 5 Қаулысы (2011.27.04. берілген өзгерістермен)

«Қазақстан Республикасындағы сайлау туралы» Қазақстан Республикасының Конституциялық заңына өзгерістер
 мен толықтырулар енгізу туралы» Қазақстан Республикасы Конституциялық заңын Қазақстан Республикасының
Конституциясына сәйкестігі тұрғысында тексеру туралы
Қазақстан Республикасы Конституциялық Кеңесінің 2004 жылғы 9 сәуірдегі № 5 Қаулысы

(2011.27.04. берілген өзгерістермен)

Қазақстан Республикасының Конституциялық Кеңесi, төраға Ю.А.Хитрин, Кеңес мүшелерi Қ.Ә.Әбiшев, Қ.Ж.Балтабаев, С.Ф.Бычкова, А.Есенжанов, А.К.Котов, Қ.Ә.Омарханов қатысқан құрамда, мыналардың:

Қазақстан Республикасы Президентінің өкiлi - Президент Әкiмшiлiгi Мемлекеттік-құқық басқармасының бөлiм меңгерушiсi М.А.Пақырдiновтiң,

Қазақстан Республикасы Парламентiнiң Сенаты мен Мәжілісiнiң депутаттары Е.Ж.Жұмабаев пен Ж.Н.Әбдиевтiң,

республика Орталық сайлау комиссиясының хатшысы В.К.Фоостың,

Қазақстан Республикасындағы Адам құқықтары жөніндегі уәкiл Б.К.Байқадамовтың,

республика Жоғарғы Сотының судьясы Л.Г.Полторабатьконың,

республика Бас прокурорының орынбасары А.Қ.Дауылбаевтың,

республика бiрiншi Әдiлет вице-министрi И.Д.Меркельдiң,

Азаматтық қоғамды одан әрi демократияландыру және дамыту жөніндегі ұсыныстарды талдап жасайтын тұрақты кеңестiң өкiлi П.В.Своиктiң қатысуымен,

өзiнiң ашық отырысында Қазақстан Республикасы Президентінің, «Қазақстан Республикасындағы сайлау туралы» Қазақстан Республикасының Конституциялық заңына өзгерістер мен толықтырулар енгізу туралы» Конституциялық заңды Қазақстан Республикасының Конституциясына сәйкестiгi тұрғысында тексеру туралы өтiнiшiн қарады.