|
“Өртке қарсы қызмет органдарының қызметкерi қызметтік мiндеттерiн немесе
Осы редакция 2005 ж. 11 қазандағы енгізілген өзгерістеріне дейін қолданылды
"Өрт қауiпсiздігі туралы" Қазақстан Республикасының 1996 жылғы 22 қарашадағы Заңына сәйкес Қазақстан Республикасының Үкіметі ҚАУЛЫ ЕТЕДI: 1. Өртке қарсы қызмет органдарының қызметкерi қызметтiк мiндеттерiн немесе қызметтiк борышын атқару кезеңiнде мертiккен жағдайда оған, ал ол қаза тапқан (қайтыс болған) жағдайда өтемақы алуға құқығы бар адамдарға бiржолғы өтемақы төлеу ережесi бекітілсiн. 2. Осы қаулы алғаш рет ресми жарияланған күнiнен бастап қолданысқа енгiзiледi.
Үкіметінiң 2005 жылғы 5 наурыздағы № 212 қаулысымен бекітілген
Өртке қарсы қызмет органдарының қызметкерi қызметтiк мiндеттерiн немесе қызметтiк борышын атқару кезеңiнде мертiккен жағдайда оған, ал ол қаза тапқан (қайтыс болған) жағдайда өтемақы алуға құқығы бар адамдарға бiржолғы өтемақы төлеу ережесi
1. Осы Ереже "Өрт қауiпсiздiгi туралы" Қазақстан Республикасының 1996 жылғы 22 қарашадағы Заңына сәйкес өртке қарсы қызмет органдарының қызметкерi қызметтік мiндеттерiн немесе қызметтiк борышын атқару кезеңiнде мертіккен жағдайда оған, ал ол қаза тапқан (қайтыс болған) жағдайда өтемақы алуға құқығы бар адамдарға біржолғы өтемақы төлеу тәртібін белгілейдi. 2. Бiржолғы өтемақы төлеудi өртке қарсы қызмет органдарының қызметкерi қызмет өткеретiн жерi бойынша бөлiмшенiң қаржы органы (бұдан әрi - қаржы органы) республикалық бюджетте осы мақсаттарға көзделген қаражат есебiнен алушының Қазақстан Республикасының шегіндегі екiншi деңгейдегi банктегi ағымдағы шотына аудару жолымен, сондай-ақ оны аударуды алушының есебiнен почта арқылы өтiнiш берiлген сәттен бастап екi ай iшiнде жүргізеді. Кәмелетке толмаған алушыға бiржолғы өтемақы төлеу оның тұратын жерi бойынша екiншi деңгейдегі банкiдегi ағымдарды шотына аудару жолымен ғана өтiнiш берiлген сәттен бастап екi ай iшiнде бұл туралы бір уақытта қамқорлық және қамқоршылық органдарын, сондай-ақ оның заңды өкілдерiн хабардар ете отырып жүргiзiледi. 3. Өртке қарсы қызмет органдарының кадр аппараты өтемақы алуға құқығы бар өртке қарсы қызмет органдарының қызметкерiн немесе адамдарды қаржы органына бiржолғы өтемақы төлеу туралы өтiнiш беру қажеттiгі туралы 15 күн iшiнде жазбаша хабардар етедi. 4. Бiржолғы өтемақы алу үшін өртке қарсы қызмет органдарының қызметкерi немесе оны алуға құқығы бар адам мынадай құжаттарды ресiмдейдi және қаржы органына бередi: 1) өртке қарсы қызмет органдарының қызметкерi қызметтік мiндеттерiн атқару кезеңiнде қаза тапқан (қайтыс болған) не қызметтік мiндеттерiн немесе қызметтiк борышын атқару кезiнде алған жарақаты салдарынан қызметiнен босатылғаннан кейiн бiр жыл iшiнде қайтыс болған жағдайда: 1-қосымшаға сәйкес өтiнiш; алушының жеке басын куәландыратын құжаттың көшiрмесi; кәмелетке толмаған алушының тууы туралы куәлiгінiң көшiрмесi; неке туралы куәлiк не алимент туралы сот органдарының атқарушы парағы (қамқоршылық туралы құжат) не егер төлем алуға өтiнiш бiлдiрген адам қаза тапқан (қайтыс болған) адамның мұрагерi болса мұрагерлiгiне құқығы туралы куәлiк; қайтыс болуы туралы куәлiктiң нотариалды куәландырылған көшiрмесi; қаза тапқан адамның (қайтыс болған адамның) қызмет өткерген орнынан қаза табуының (қайтыс болуының) мән-жайы туралы қорытындының көшiрмесi; қаза тапқан адамның (қайтыс болған адамның) қаза тапқан (қайтыс болған) күнге алған ақшалай үлесi туралы қаржы органының анықтамасы; қызметтік мiндеттерiн немесе қызметтiк борышын атқару кезiнде алған жарақаты салдарынан қызметiнен босатылған күннен бастап бiр жыл iшiнде қайтыс болған өртке қарсы қызмет органдарының қызметкерi қаза табу (қайтыс болу) фактiсi бойынша, бұдан басқа әскери-дәрiгерлiк комиссияның (бұдан әрi - ӘДК) қорытындысы берiледi; 2) өртке қарсы қызмет органдарының қызметкерiне қызметтiк мiндеттерiн немесе қызметтік борышын атқару кезiнде алған жарақаты, жаралануы (контузия), мертiгуi, науқастануы салдарынан туындаған мүгедектігі белгіленген кезде: 1-қосымшаға сәйкес өтiнiш; қызмет өткерген орнынан жарақат алуының, жаралануының (контузия алуының), мертiгуiнiң, науқастануының мән-жайы туралы қорытындының көшiрмесi; денсаулығына зақым келген фактiсiн растайтын және осы ӘДК мөрiмен куәландырылған, ӘДК берген қорытындының көшiрмесi; өртке қарсы қызмет органдары қызметкерiнiң оқиға болған күнге ақшалай үлесi туралы қаржы органының анықтамасы; мүгедектен белгiлеу туралы медициналық-әлеуметтiк сараптама комиссиясы анықтамасының көшiрмесi; 3) өртке қарсы қызмет органдарының қызметкерi қызметтiк мiндеттерiн немесе қызметтік борышын атқару кезiнде мүгедектiкке әкеп соқпаған ауыр немесе жеңiл мертiгу (жарақат, жаралану, контузия) алған жағдайда: 1-қосымшаға сәйкес өтiнiш; өртке қарсы қызмет органдары қызметкерiнiң қызмет өткерген орнынан ауыр немесе жеңіл мертiгу алуының мән-жайы туралы қорытындының көшiрмесi; алған зақымының денсаулығына ауырлығы туралы емдеу-алдын алу мекемесiнiң не ӘДК-нiң анықтамасы; өртке қарсы қызмет органдары қызметкерiнiң оқиға болған күнге ақшалай үлесi туралы қаржы органының анықтамасы. 5. Бiржолғы өтемақы алуға құқығы бар өртке қарсы қызмет органдарының қызметкерi немесе адам өтемақы төлеу туралы өтiнiш берген кезде қаржы органы осы Ереженiң 4-тармағында көрсетілген құжаттардың толықтығы мен ресiмделуiнiң дұрыстығын тексередi және 2-қосымшаға сәйкес өтiнiштердi және біржолғы өтемақыларды төлеудi тiркеу журналында мекеме басшысының атына ресiмделген өтiнiштi тiркейдi. Осы Ереженiң 4-тармағында көрсетілген тиiстi құжаттар толық берілмеген жағдайда, өтiнiш тiркеуге жатпайды. 6. Өртке қарсы қызметтің уәкілеттi органы біржолғы өтемақыны тағайындауға арналған құжаттарды алған сәттен бастап 15 күннен аспайтын мерзiмде бiржолғы өтемақы тағайындау күнiн көрсете отырып, бiржолғы өтемақы төлеу туралы шешiм қабылдайды. 7. Өртке қарсы қызмет органдарының бiржолғы өтемақы төлеуден бас тартқан жағдайда, өтiнiш берушi бас тарту туралы шешiм шыққан сәттен бастап 15 күн iшiнде бұл туралы жазбаша хабардар етiледi. Бұл ретте өтiнiш берушi шешiмге заңнамада белгiленген тәртiппен шағымдана алады. 8. Өртке қарсы қызмет органдарының қызметкерi қаза тапқан (қайтыс болған) немесе мертiккен жағдайда шығындарды өтеу жөніндегі жұмыстарға жалпы басшылықты өртке қарсы қызмет органдарының кадр аппараттары жүзеге асырады.
Өртке қарсы қызмет органдарының қызметкерi қызметтiк мiндеттерiн немесе қызметтiк борышын атқару кезеңiнде мертiккен жағдайда оған, ал ол қаза тапқан (қайтыс болған) жағдайда өтемақы алуға құқығы бар адамдарға бiржолғы өтемақы төлеу 1-қосымша
Кiмге _____________________________
Бiржолғы өтемақы төлеуге өтініш
Маған ________________________________________________________
Өтінiшке мынадай құжаттар қоса берiледi:
Өтінiш берушiнің қолы ________ 200__ж. "____" ________
Құжаттар 200 ж. "__" _______ қабылданды. Қолы ___________________
Өртке қарсы қызмет органдарының қызметкерi қызметтiк мiндеттерiн немесе қызметтiк борышын атқару кезеңiнде мертiккен жағдайда оған, ал ол қаза тапқан (қайтыс болған) жағдайда өтемақы алуға құқығы бар адамдарға бiржолғы өтемақы төлеу 2-қосымша
Өртке қарсы қызмет органдарының қызметкерi қызметтiк мiндеттерiн немесе қызметтік борышын атқару кезеңiнде мертiккен кезде бiржолғы өтемақы төлеуге арналған өтiнiштердi тiркеу журналы
|