(БҰРЫНҒЫ РЕДАКЦИЯ) ҚР ҮКІМЕТІНІҢ 2004 Ж. 3 АҚПАНДАҒЫ № 126 ҚАУЛЫСЫ

Қазақстан Республикасының сыртқы сауда статистикасын жүргiзу мәселелерi
туралы Қазақстан Республикасы Үкіметінің
2004 жылғы 3 ақпандағы № 126 қаулысы

Осы редакция 2006 ж. 13 қаңтардағы енгізілген өзгерістеріне дейін қолданылды

Қазақстан Республикасы Кеден кодексiнiң 421-бабына сәйкес, сыртқы сауда статистикасын, сондай-ақ ұлттық шоттар мен төлем теңгерiмi жүйесiн қалыптастыру жөнiндегі жұмыстарды жетiлдiру әрi үйлестiру мақсатында Қазақстан Республикасының Үкіметі қаулы етеді:

1-тармақ 2004 жылғы 1 наурыздан бастап қолданысқа енгiзiледi

1. "Қазақстан Республикасының төлем балансын жасау туралы" Қазақстан Республикасы Yкіметінiң 1999 жылғы 29 қаңтардағы № 71 қаулысына мынадай өзгерiс пен толықтыру енгiзiлсiн:

1-тармақтың 3) тармақшасы алынып тасталсын;

мынадай мазмұндағы 1-1-тармақпен толықтырылсын:

"1.1. Қазақстан Республикасының Кедендiк бақылау агенттігi:

1) ай сайын eceптi кезеңнен кейiнгi 36-күнге Еуразиялық экономикалық қоғамдастықтың сыртқы экономикалық қызмет тауар номенклатурасының (ЕурАзЭҚ СЭҚ ТН) он мәндi цифрлық кодына сәйкес елдер мен тауарлар бөлінісiнде кедендік жүк декларацияларының негiзiнде Қазақстан Республикасы сыртқы сауданың кедендiк статистикасын электронды түрде және "Кедендiк жүк декларацияларының негiзіндегi сыртқы сауда көрсеткiштерi" бюллетенiн Қазақстан Республикасының Ұлттық Банкiне ұсынсын;

2) тоқсан сайын есептi кезеңнен кейiнгi 25-күнге ТМД аймағын бөлiп көрсете отырып, есептi тоқсан үшiн экспорт пен импорттың жиынтық көлемдерi жөніндегі деректердi Қазақстан Республикасының Ұлттық Банкiне ұсынсын;

3) келiсімде айтылатын тiзбеге, форматтарға және мерзiмдерге сәйкес сыртқы сауда кедендiк статистикасының iріктелген көрсеткiштерi бойынша деректердi Қазақстан Республикасының Ұлттық Банкiне ұсынсын";

2-тармақтағы "Энергетика," деген сөз алынып тасталсын.

2. Қазақстан Республикасының Кедендiк бақылау агенттiгi:

1) 2004 жылғы 1 қаңтардан бастап халықаралық әдiснамаға сәйкес Қазақстан Республикасының сыртқы сауда статистикасын қалыптастыруды және ай сайынғы бюллетеньдердiң, жедел ақпараттың, сондай-ақ сыртқы сауда кедендiк статистикасының тоқсан сайынғы және жылдық бюллетендерiнiң жариялануын жүзеге асырсын;

2) ай сайын Қазақстан Республикасының Статистика жөніндегi агенттігіне:

есептi кезеңнен кейінгi 28-күнге:

ЕурАзЭҚ CЭҚ TH он мәндi цифрлық кодына сәйкес тауарлар, елдер, аумақтар бөлiнiсiнде (әкiмшiлiк-аумақтық объектiлердiң жiктемесi бойынша) кедендiк жүк декларацияларының негiзiнде электронды форматтағы дерекқорды, қағаздағы және электронды түрде "Кедендiк жүк декларацияларының негізгі сыртқы сауда көрсеткіштері" бюллетенi мен негізгi елдер - сауда әріптестері бойынша жекелеген тауарлардың экспорты және импорты жөніндегі жедел-ақпаратты;

есепті кезеңнен кейiнгі 35-күнге "Қазақстан Республикасының әлеуметтiк-экономикалық дамуы" баяндамасының сыртқы сауда жөніндегі бөлiмiн ұсынсын.

3. Қазақстан Республикасының Статистика жөнiндегі агенттігі 2004 жылғы 15 сәуiрге дейінгі мерзiмде 2003 жыл үшiн сыртқы сауда статистикасының көрсеткiштерiн қалыптастыруды аяқтасын.

4. Осы қаулы, 2004 жылғы 1 наурыздан бастап қолданысқа енгiзiлетiн 1-тармақты қоспағанда, қол қойылған күнінен күшiне енеді.

Қазақстан Республикасының