|
Өсімдіктер карантині туралы 1999 ж. 11 ақпандағы № 344-1 (2006.10.01. берілген өзгерістер мен толықтырулармен)
Осы редакция 2006 ж. 31 қаңтардағы енгізілген өзгерістеріне дейін қолданылды
1-тарау. Жалпы ережелер (1 - 4 баптар) 2-тарау. Өсімдіктер карантині саласындағы (5 - 9 баптар)мемлекеттік реттеу 3-тарау. Өсімдіктер карантині саласындағы (10 - 14 баптар)мемлекеттік бақылау 4-тарау. Дауларды шешу және Өсімдіктер карантині (15 - 16 баптар)жөніндегі заңдарды бұзғаны үшін жауапкершілік 5-тарау. Өсiмдiктер карантинi жөніндегі iс-шараларды (17 - 18 баптар)қаржыландыру 6-тарау. Өсімдіктер карантині саласындағы (19 - 21 баптар)халықаралық ынтымақтастық Осы Заң Қазақстан Республикасының аумағында ұлттық қауiпсiздiктi қамтамасыз ету жүйесiнiң құрамдас бөлiгi болып табылатын өсiмдiктер карантинi жөніндегі мемлекеттік шараларды жүзеге асырудың құқықтық негiзi мен принциптерiн белгiлейдi. ҚР 18.02.02 ж. № 293-II Заңымен 1-бап өзгертілді 1-бап. Осы Заңда пайдаланылатын негiзгi ұғымдар Осы Заңда мынадай негізгi ұғымдар пайдаланылады: 1) импорттық карантиндiк рұқсат - Қазақстан Республикасының уәкілетті органы белгiлейтiн шарттарда карантинге жатқызылған өнiмдi Республикаға әкелуге, сондай-ақ оның транзитiне рұқсат беретiн құжат; 2) жерсiндiру-карантиндiк көшеттiктер - импорттық отырғызылатын және тұқымдық материалдағы карантиндi объектiлердiң және басқа да ерекше қауiптi зиянды организмдердiң жасырын жұғуын анықтау үшін арнайы жабдықталған көшеттiктер; 3) карантиндi аймақ - карантиндi объектiнiң анықталуына байланысты белгiленген тәртiппен карантинге жатқызған деп жарияланған аумақ; 4) карантиндiк шара - Республика аумағына карантиндi объектiлердiң енуiн немесе таралуын болғызбауға бағытталған рәсiм; 5) карантиндi объект - бекітілген Карантиндiк түрлер тiзбесiне сәйкес зиянкес, өсiмдiктердiң ауруын қоздырғыш немесе өсiмдiктерге және өсiмдiк өнiмiне айтарлықтай зиян келтiруі мүмкiн, Республика аумағында жоқ немесе шектеулi таралған арамшөп; 5-1) карантиндік сертификат - мемлекет ішінде тасымалдауға арналған карантинге жатқызылған өнімнің карантиндік жай-күйін куәландыратын құжат; 6) өсiмдiктер карантинi (фитосанитариялық қорғау) - Республиканың өсiмдiк ресурстары мен өсiмдiк тектi өнiмiн карантиндi объектiлердiң басқа мемлекеттерден, сондай-ақ Республиканың карантиндi аймағынан әкелiнуiнен және енуiнен қорғауға, ал олар таралған жағдайда - олардың таралу ошақтарын оқшаулауға және жоюға бағытталған мемлекеттік шаралар жүйесiн көздейтiн құқықтық режим; 7) өсiмдiктер карантинi бойынша бақылау - уәкілетті органның лауазымды адамдары жүзеге асыратын өсiмдiктер карантинi жөніндегі нормалардың, ережелер мен нұсқаулықтар талаптарының орындалуын тексеру қызметi; 7-1) фитосанитариялық тәуекелді бағалау - қолданылуы мүмкін фитосанитариялық шараларды ескере отырып, карантиндік объектілердің ену, орнығу мен таралу ықтималдығын және осыған байланысты болатын әлеуетті биологиялық және экономикалық зардаптарды ғылыми-зерттеу ұйымдары мен уәкілетті орган жүргізетін ғылыми негізделген бағалау; 8) карантиндi объектiнiң ошағы - карантиндi объект анықталған және карантиндiк шаралар жүзеге асырылуға тиiс немесе жүзеге асырылып жатқан аумақ; 9) карантинге жатқызылған өнiм - өздерi арқылы карантиндi объектiлердi таратуы мүмкiн кез келген материалдар (жүктер); 9-1) өсiмдiктер карантинiн қамтамасыз ету жөніндегі республикалық мемлекеттік кәсiпорындар - Қазақстан Республикасының Үкiметі құратын, қызметі мемлекеттік бақылау және қадағалау функцияларын жүзеге асыру құқығынсыз карантиндік объектілердiң ошақтарын анықтауға, оқшаулауға және жоюға бағытталған мемлекеттік кәсiпорындар; 9-2) уәкiлеттi орган - өсiмдiктер карантинiн Қазақстан Республикасының аумағында жеке және заңды тұлғалардың сақтауына карантиндiк бақылауды жүзеге асыратын мемлекеттік орган; 10) фитосанитариялық сертификат - карантинге жатқызылған экспорттық өнiмнiң карантиндiк жай-күйiн куәландыратын құжат; 11) фумигациялық отрядтар - Қазақстан Республикасының заңдарына сәйкес уәкілетті органның және шекаралық пункттері мен шекарадағы постыларын қоса алғанда, оның аумақтық органдарының ұйғарымдары бойынша карантинге жатқызылған өнімді газбен дезинсекциялау әдiсiмен залалсыздандыруды жеке және заңды тұлғалардың өтiніштерi бойынша орындайтын өсiмдiктер карантинiн қамтамасыз ету жөніндегі республикалық мемлекеттік кәсiпорындардың бөлiмшелерi; 12) бөтен тектi түр - Қазақстан Республикасының флорасы мен фаунасында жоқ, пайда бола қалған жағдайда елеулi экономикалық және экологиялық залал келтіруі мүмкін насеком, өсімдік ауруларын қоздырушы және арамшөп түрi. 2-бап. Өсiмдiктер карантинi саласындағы заңдар Өсiмдiктер карантинi жөніндегі Қазақстан Республикасының заңдары Қазақстан Республикасының Конституциясына негiзделедi, осы Заңнан және өзге де нормативтiк құқықтық актiлерден тұрады. 3-бап. Өсiмдiктер карантинiнiң негiзгi мiндеттерi Өсiмдiктер карантинiнiң негiзгi мiндеттерi мыналар болып табылады: 1) Республика аумағын шет елдерден немесе карантиндi аймақтан карантиндi объектiлердiң әкелiнуiнен немесе өз бетiмен енуiнен қорғау; 2) карантиндi объектiлердi анықтау, оқшаулау және жою, сондай-ақ Республиканың олар жоқ аймақтарына олардың енуiнiң алдын алу; 3) өсiмдiктер карантинi саласындағы заңдар мен белгiленген ережелердiң сақталуына және Республика аумағында өсiмдiктер карантинi жөніндегі шаралардың орындалуына мемлекеттік бақылау жасау. 4-бап. Өсiмдiктер карантинi жөніндегі мемлекеттік шараларды жүзеге асыру принциптерi Республика аумағында өсiмдiктер карантинi жөніндегі мемлекеттік шараларды жүзеге асырудың принциптерi мыналар болып табылады: 1) Республиканың азық-түлiк және шикiзат қауiпсiздiгiн сақтап тұpy мақсатында өсiмдiк ресурстары мен өсiмдiк тектi өнiмдердi карантиндi объектiлердiң бүлдiруiнен және жоюынан қорғауды қамтамасыз ету; 2) өсiмдiктер карантинi жөніндегі заңдарды мемлекеттік реттеу, мемлекеттік бақылау және олардың бұзылуы үшiн жауапкершiлiк; 3) өсiмдiк ресурстары мен өсiмдiк тектi өнiмге карантиндi объектiлердiң ықтимал әсерiн объективтi, ғылыми негiздеп бағалау және олардың ықтимал зиянын болғызбау; 4) халықтың, жеке және заңды тұлғалардың, ұйымдардың, мемлекеттік басқару және жергiлiктi өзiн-өзi басқару органдарының өсiмдiктер карантинi жөніндегі шараларды орындауға белсене қатысуы; 5) тиiстi шарттар негiзiнде өсiмдiктер карантинi саласындағы халықаралық ынтымақтастық. 2-тарау. Өсімдіктер карантині саласындағы мемлекеттік реттеу ҚР 18.02.02 ж. № 293-II Заңымен 5-бап жаңа редакцияда 5-бап. Өсiмдiктер карантинi саласында мемлекеттік реттеудi жүзеге асыратын органдар 1. Өсiмдiктер карантинi саласында мемлекеттік реттеудi Қазақстан Республикасының Үкiметі, уәкiлеттi орган мен оның аумақтық органдары жүзеге асырады. 2. Уәкiлеттi орган туралы ереженi, Қазақстан Республикасының аумағын карантиндiк объектiлерден қорғау жөніндегі ережелердi (бұдан әрi - Өсiмдiктер карантинi жөніндегі ережелер) және қарсы күрес жүргiзу ісi бюджет қаражаты есебiнен жүзеге асырылатын карантиндiк объектiлер тiзбесiн Қазақстан Республикасының Yкіметі бекiтедi. 3. Уәкiлеттi органның және шекаралық пункттерi мен шекарадағы постыларын қоса алғанда, оның аумақтық органдарының өсімдiктер карантинi бойынша бақылауды тiкелей жүзеге асыратын лауазымды адамдары өсiмдiктер карантинi жөніндегi мемлекеттік инспекторлар болып табылады және Қазақстан Республикасының заңдарында белгіленген тәртіппен нысанды киіммен қамтамасыз етіледі. Өсімдіктер карантині жөніндегі мемлекеттік инспекторлар туралы ережені уәкілетті орган бекітеді. Уәкілетті орган Қазақстан Республикасының мемлекеттік қызмет туралы заңдарына сәйкес белгілеген біліктілік талаптарына сай келетін азаматтардың өсімдіктер карантині жөніндегі мемлекеттер инспектор қызметiн атқаруға құқығы бар. ҚР 18.02.02 ж. № 293-II Заңымен 6-бап жаңа редакцияда 6-бап. Өсiмдiктер карантинін қамтамасыз етудiң мемлекеттік жүйесi Қазақстан Республикасының өсiмдiктер карантинiн қамтамасыз етудiң мемлекеттік жүйесiне: 1) уәкiлеттi мемлекеттік орган және шекаралық пункттерi мен шекарадағы постыларын қоса алғанда, оның аумақтық органдары; 2) Қазақстан Республикасы ?кіметінің шешімi бойынша құрылатын мемлекеттік карантиндiк мекемелер - республикалық, аймақтық және шекаралық карантиндiк зертханалар, жерсiндiру-карантиндiк көшеттiктер; 3) фитосанитариялық зертханаларымен және фумигациялық отрядтарымен қоса алғанда, өсiмдiктер карантинін қамтамасыз ету жөніндегі республикалық мемлекеттік кәсiпорындар енедi. 18.02.02 ж. № 293-II ; 03.07.03 ж. № 463-II ; 2004.20.12 № 13-III (бұр. ред. қара); 2006.10.01. № 116-III (2006.01.01. бастап қолданысқа енгізілді) (бұр. ред. қара) ҚР Заңдарымен 7-бап өзгертілді 7-бап. Уәкілетті органның құзыретi 1. Уәкілетті орган: 1) өсiмдiктер карантинi жөніндегі мемлекеттік шаралар белгiленiп, жүзеге асырылатын Карантиндi объектiлер тiзбесiн белгiлейдi; 2) 2006.10.01. № 116-III ҚР Заңымен алып тасталды (2006.01.01. бастап қолданысқа енгізілді) (бұр. ред. қара) 2-1) карантиндік объектілердің таралу ошақтарын анықтау, оқшаулау, жою және карантинге жатқызылған өнімді зарарсыздандыру жөніндегі іс-шаралардың жүргізілуін ұйымдастырады; 2-2) өз құзыреті шегінде өсімдіктер карантині жөніндегі нормативтік құқықтық актілерді бекітеді; 3) өсiмдiктер карантинi саласындағы нормативтiк және әдiстемелiк құжаттарды белгiленген тәртiппен әзiрлейдi, бекітеді; 4) 2004.20.12 № 13-III ҚР Заңымен алып тасталды 4-1) Қазақстан Республикасының заңдарында белгіленген тәртіппен пестицидтерді (улы химикаттарды) мемлекеттік сатып алуды, оларды сақтау, тасымалдау, карантиндік объектілердің таралу ошақтарын оқшаулау мен жою үшін қолдану жөніндегі жұмыстар мен қызмет көрсетуді ұйымдастырады және жүргізеді; 4-2) карантиндік объектілердің таралу ошақтарын оқшаулау және жою үшін Қазақстан Республикасының заңдарында белгіленген тәртіппен пестицидтердің (улы химикаттардың) қорын құрады; 4-3) карантиндік объектілердің таралу ошақтарын оқшаулау және жою үшін бюджет қаражаты есебінен сатып алынған пестицидтерді (улы химикаттарды) Қазақстан Республикасының аумағы бойынша бөледі; 5) әкелiнетiн және әкетiлетiн карантинге жатқызылған өнiмдi аумақтың фитосанитариялық сипаттамасы мен оның шыққан жерін, баратын пунктiн, сондай-ақ карантиндiк объектiлерден бос немесе олар аз таралған аймақтарды ескере отырып, карантиндiк тексерудi, зертханалық сараптаманы және фитосанитариялық сертификаттауды жүргізедi; 6) Қазақстан Республикасының өсімдіктер карантині жөніндегі заңдарына сәйкес карантинге жатқызылған өнімді, сондай-ақ көлік құралдарын залалсыздандыру жөніндегі іс-шараларды орындау туралы ұйғарымдар береді және олардың орындалуын бақылайды; 7) жерсіндіру-карантиндік көшеттіктердегі карантинге жатқызылған импорттық өнімнің карантиндік объектілер мен бөтен текті түрлерден жасырын залалданған-залалданбағанын тексеруді ұйымдастырады; 7-1) Қазақстан Республикасында және басқа да елдерде карантиндік объектілердің болуы мен таралуы, оларға қарсы күрес жөніндегі шаралар мен іс-шаралар туралы деректер базасын құрады; 8) ғылыми-зерттеу ұйымдарымен бiрлесе отырып, халықаралық нормалар мен ұсыныстар талаптарын ескере келе, фитосанитариялық тәуекелді бағалаудың ғылыми принциптері негiзiнде карантиндiк шараларды әзiрлейдi және оларды жеке және заңды тұлғалардың орындауын бақылауды жүзеге асырады. 9) карантинге жатқызылған өнімге фитосанитариялық, карантиндік сертификаттар және импорттық карантиндік рұқсаттар береді; 10) халықаралық ұйымдарда өсімдіктер карантині мәселелері бойынша Республиканың мүдделерін білдіреді; 11) 2004.20.12 № 13-III ҚР Заңымен алып тасталды 2. Уәкілетті орган өз қызметін шекаралық, кедендік, құқық қорғау және басқа да мемлекеттік органдармен өзара іс-қимылда жүзеге асырады. 3. Уәкілетті орган мен оның аумақтық органдарының өз өкілеттіктері шегінде қабылданған шешімдері лауазымды адамдардың, жеке және заңды тұлғалардың орындауы үшін міндетті болып табылады. 4. Мемлекеттік органдар мен олардың лауазымды адамдары уәкілетті органның өзіне жүктелген міндеттерді шешуіне жәрдемдесуге міндетті. ҚР 18.02.02 ж. № 293-II Заңымен 7-1-баппен толықтырылды; 2006.10.01. № 116-III ҚР Заңымен 7-1-бап өзгертілді (2006.01.01. бастап қолданысқа енгізілді) (бұр. ред. қара) 7-1-бап. Мемлекеттік карантиндік мекемелер мен республикалық мемлекеттік кәсіпорындардың құзыреті 1. Мемлекеттік карантиндік мекемелер: 1) зертханалық сараптамаға келіп түсетін үлгілердегі карантиндік объектілер мен бөтен текті түрлердің түрлік құрамын айқындайды; 2) себу материалдары мен отырғызылатын материалдардағы жасырын залалдануды анықтайды. 2. Республикалық мемлекеттік кәсіпорындар: 1) карантиндік объектілердің таралу ошақтарын анықтайды; 2) карантиндік объектілердің таралу ошақтарын оқшаулау мен жоюды жүргізеді; 3) карантинге жатқызылған өнімді залалсыздандыруды, соның ішінде фумигациялауды жүргізеді. Бұл ретте, осы тармақтың 1) және 2) тармақшаларында тізіп көрсетілген қызмет түрлері Қазақстан Республикасының мемлекеттік монополия туралы заңнамасына сәйкес мемлекеттік монополияның аясына жатады.
ҚР 29.11.99 ж. № 488-I; 18.02.02 ж. № 293-II; 2004.20.12 № 13-III (бұр. ред. қара) (2005.01.01. бастап қолданысқа енгізілді) Заңдарымен 8-бап өзгертілді 8-бап. Өсімдіктер карантині жөніндегі мемлекеттік инспекторлардың құқықтары Карантиндік бақылауды жүзеге асыру кезінде уәкілетті органның өсімдіктер карантині жөніндегі мемлекеттік инспекторларының: 1) карантинге жатқызылған , сондай-ақ, тиiстi халықаралық ұйымдардан алынған ақпаратты және басқа елдер қабылдап жатқан фитосанитарлық шаралар туралы ақпаратты қоса алғанда, қолда бар ақпарат негiзiнде ғылыми негiздеме жеткiлiксiз болған жағдайда жүктер мен объектілерді тексеріп қарау, фитосанитариялық сараптама және қажет болған кезде залалсыздандыру ісін жүргізу кезеңінде, сондай-ақ оларды фитосанитариялық (карантиндік) сертификатсыз тасымалдау кезінде немесе шет елден импорттық карантиндік рұқсатсыз әкелген жағдайда Қазақстан Республикасының заңдарында белгіленген тәртіппен кідіртіп қоюға; 1-1) басқа мемлекеттерден әкелінетін, өзінің фитосанитариялық жай-күйі туралы мәліметтер зерттелмеген карантинге жатқызылған өнімге қатысты уақытша карантиндік шаралар қолдануға (енгізуге); 2) Қазақстан Республикасының заңдарында белгіленген тәртіппен заң нормаларының орындалуын және Өсімдіктер карантині жөніндегі ережелердің сақталуын тексеру мақсатымен барлық меншік нысанындағы ұйымдарға кедергісіз баруға және оларға тексеру жүргізуге, өз өкілеттігін жүзеге асыру үшін қажетті ақпарат алуға; 3) зертханалық сараптама жүргізу үшін карантинге жатқызылған өнім үлгілерін іріктеп алуға; 4) жеке және заңды тұлғаларға карантиндi объектiлер ошақтарында және көлiкте қажет шаралар жүргiзу туралы талаптар қоюға; 5) өсiмдiктер карантинi жөніндегі заңдардың бұзылуына жол берген лауазымды адамдарды, жеке және заңды тұлғаларды әкiмшiлiк жауапкершiлiкке тартуға; 6) Өсiмдiктер карантинi жөніндегі ережелердi бұзушылықты жойғанға дейiн жеке және заңды тұлғалардың шаруашылық қызметiн тоқтата тұруға және тыйым салуға құқығы бар. Шағын кәсiпкерлiк субъектiсiнiң қызметiне тыйым салуды немесе оны тоқтата тұруды уәкілетті органның лауазымды адамдары сот шешiмiнiң негiзiнде жүзеге асырады. Шағын кәсіпкерлік субъектісінің қызметіне тыйым салу немесе оны тоқтата тұру туралы талап арызды уәкілетті орган органдары Қазақстан Республикасының заң актілерінде белгіленген тәртіппен және негіздерде сотқа жібереді. Шағын кәсіпкерлік субъектісінің қызметіне сот шешімінсіз тыйым салуға немесе оны тоқтата тұруға карантиндік объектілер анықталған ерекше жағдайларда талап арызды 3 күннен аспайтын мерзімде сотқа табыс ету міндеттеліп, аталған мерзімге рұқсат етіледі. Бұл орайда қызметке тыйым салу немесе оны тоқтата тұру туралы акт сот шешімі шыққанға дейін қолданылады. ҚР 03.07.03 ж. № 463-II Заңымен 8-1-баппен толықтырылды; 2004.20.12 № 13-III (бұр. ред. қара) (2005.01.01. бастап қолданысқа енгізілді) Заңымен 8-1-бап өзгертілді 8-1-бап. Карантиндік объектілердің таралу ошақтарын оқшаулау мен жоюға арналған пестицидтер (улы химикаттар) қоры 1. Карантиндік объектілердің таралу ошақтарын оқшаулау мен жоюға арналған пестицидтер (улы химикаттар) қоры дегеніміз пестицидтердің (улы химикаттардың) ұдайы жаңартылып отыратын белгілі бір көлемі және ол уәкілетті органның қарауындағы (билігіндегі) мемлекеттік меншік болып табылады. 2. Пестицидтер (улы химикаттар) қоры карантиндік объектілердің анықталған таралу ошақтарын оқшаулауға және жоюға арналады және бюджет қаражаты есебiнен сатып алынатын пестицидтер (улы химикаттар) көлемiнен қалыптастырылады . 3. 2004.20.12 № 13-III ҚР Заңымен алып тасталды 9-бап. Өндiрiстiк қызметi карантинге жатқызылған өнiмге байланысты мемлекеттік органдардың, ұйымдардың лауазымды адамдарының, жеке және заңды тұлғалардың мiндеттерi Қызметi карантинге жатқызылған өнiмдi өндiруге, дайындауға, өңдеуге, сақтауға, тасымалдау мен өткізуге байланысты мемлекеттік органдардың, ұйымдардың лауазымды адамдары, жеке және заңды тұлғалар: 1) осы Заңның талаптарын, Өсiмдiктер карантинi жөніндегі ережелердi және тиiстi карантиндiк шараларды өткізу туралы уәкілетті органның ұйғарымдарын орындауға; 2) Уәкілетті орган инспекторларының талап етуi бойынша карантинге жатқызылған өнiм мен карантиндi объектiлердiң бар екендiгi туралы мәлiметтердi табыс етуге; 3) егiстiктi, аумақты, карантинге жатқызылған өнiм сақталатын қоймаларды жүйелi тексерiп отыруды қамтамасыз етуге, сондай-ақ карантинге жатқызылған қолда бар өнiмдi тексеру және сараптамадан өткізу үшiн ұсынуға; 4) карантиндi объектiлер анықталған жағдайда уәкілетті органды дереу хабардар етуге мiндеттi. ҚР 18.02.02 ж. № 293-II Заңымен 9-1-баппен толықтырылды; 2004.20.12 № 13-III (бұр. ред. қара) Заңымен 9-1-бап өзгертілді. 2006.10.01. № 116-III ҚР Заңымен 9-1-бап жаңа редакцияда (2006.01.01. бастап қолданысқа енгізілді) (бұр. ред. қара) 9-1-бап. Облыстардың (республикалық маңызы бар қаланың, астананың) жергілікті атқарушы органдарының құзыреті Облыстардың (республикалық маңызы бар қаланың, астананың) жергілікті атқарушы органдары: 1) карантинді объектілердің таралуының есебін жүргізеді және уәкілетті орган мен мүдделі тұлғаларға ақпарат береді; 2) темір жол станцияларындағы, теңіз және өзен порттарындағы (пристаньдарындағы), әуежайлардағы, автовокзалдардағы (автостанциялардағы), базарлардағы, почта байланысы ұйымдарындағы және өзге де объектілердегі карантинді аймақтарда осы объектілердің иелері жеке және заңды тұлғалардың, сондай-ақ мемлекеттік басқару органдарының карантиндік іс-шаралар өткізуін ұйымдастырады.
3-тарау. Өсімдіктер карантині саласындағы мемлекеттік бақылау 10-бап. Өсiмдiктер карантинi саласындағы мемлекеттік бақылауды жүзеге асыру Өсiмдiктер карантинi саласындағы мемлекеттік бақылауды жүзеге асыру уәкілетті органға жүктеледi. 2004.20.12 № 13-III (бұр. ред. қара) (2005.01.01. бастап қолданысқа енгізілді) Заңымен 11-бап өзгертілді 11-бап. Өсiмдiктер карантинi саласында мемлекеттік бақылауды жүзеге асыратын лауазымды адамдарды қорғау шаралары Өсiмдiктер карантинi саласында мемлекеттік бақылауды жүзеге асыратын лауазымды адамдардың олар қаза тапқан немесе мертiккен жағдайда Қазақстан Республикасының заңдарында белгiленген тәртiппен зиянды өтетуге құқығы бар. 2006.10.01. № 116-III ҚР Заңымен 12-бап өзгертілді (2006.01.01. бастап қолданысқа енгізілді) (бұр. ред. қара) 12-бап. Өсiмдiктер карантинi бойынша бақылау объектiлерi Өсiмдiктер карантинi бойынша бақылау объектiлерi мыналар болып табылады: 1) ауыл шаруашылық, орман және сәндiк дақылдарының тұқымдары мен отырғызылатын материалдары, өсiмдiктер мен олардың бөлiктерi (қалемшесi, жуашығы, түйнегi, жемiсi), сондай-ақ карантиндi объектiлердi жұқтырушы болуы мүмкін өсiмдiк тектi басқа да кез келген өнiм; 2) өсiмдiктер ауруларын қоздырушылар - тiрi саңырауқұлақтар өсiмдерi, вирустар, бактериялар, сондай-ақ нематодтар, кенелер мен насекомдар; З) насекомдардың, өсiмдiктер ауруларын қоздырушылардың коллекциялары, тұқымдардың, гербарийлерi мен коллекциялары; 4) карантиндi объектiлердiң жұқтырғыштары болуы мүмкiн ауыл шаруашылық машиналары мен топырақ өңдеуге арналған құралдар, көлiк құралдары, ыдыстың барлық түpі, буып-түю материалдары, өсiмдiк материалдарынан жасалған өнеркәсiп тауарлары мен бұйымдар, топырақ құймалары мен үлгiлерi; 5) өсiмдiк тектi өнiмдi өсiретiн, дайындайтын, жинайтын, өңдейтiн және өткiзетiн ұйымдардың, шаруа (фермер), үй жанындағы және саяжай қожалықтарының аумағы мен үй-жайлары, ведомстволық бағыныстылығы мен меншiк нысанына қарамастан, ауыл шаруашылығына, орманға, суға және басқа мақсатқа арналған жерлер. 6) базарлар, темір жол вокзалдары, автовокзалдар, өзен порттары, пристаньдар, почта байланысы ұйымдары.
ҚР 18.02.02 ж. № 293-II; 03.07.03 ж. № 463-II Заңдарымен 13-бап өзгертілді және толықтырылды 13-бап. Карантинге жататын өнiмдi әкелу мен әкету тәртібі 1. Карантинге жататын өнiмдi беруге немесе оның транзитiне шарт жасасқан кезде өнiм берушi уәкілетті органнан карантин шаралары туралы қажеттi ақпарат алуға және карантиндi объектiлердiң әкелiнуiнiң алдын алуды қамтамасыз ететiн жағдайларды қарастыруға мiндеттi. Құпия сипаттағы ақпараты бар жасалған шарт өнiм берушiнiң жазбаша келісімiнсiз жария етiлмеуге тиiс. 2. Карантинге жатқызылған өнімді Қазақстан Республикасының аумағына әкелуге Қазақстан Республикасының мемлекеттік шекарасы арқылы, өсімдіктер карантинін қамтамасыз ету ережелері мен нормаларына сәйкес жабдықталған шекаралық фитосанитариялық пункттері мен постылары бар өткізу пункттерінде ғана рұқсат етіледі. Карантинге жатқызылған өнімді уәкілетті органның импорттық карантиндік рұқсатынсыз және экспорттаушы елдердің ұлттық карантиндік қызметтерінің фитосанитариялық сертификаттарынсыз әкелуге тыйым салынады. Карантинге жататын өнiмге арналған кеден құжаттары фитосанитариялық бақылаудан өткiзiлген соң ресiмделедi. Егер басқа елдердiң карантин шаралары, егер олар Республикада қолданылатын фитосанитариялық қорғаудың тиiстi деңгейiн қамтамасыз ететiн болса, танылады. 2-1. Қазақстан Республикасының аумағына: 1) уәкілетті органның импорттық карантиндік рұқсатынсыз және экспортқа шығаратын елдердің ұлттық карантиндік қызметтерінің фитосанитариялық сертификаттарынсыз карантинге жатқызылған өнімді; 2) карантиндік объектілер мен бөтен түрлер жұқтырған карантинге жатқызылған өнімді; 3) топырақты, тамыр жайған өсімдіктерді топырағымен қоса; 4) уәкілетті органмен келісім бойынша ғылыми-зерттеу мақсаттары үшін әкелінетін үлгілерді қоспағанда, өсімдік ауруларын қоздырушыларды - тірі саңырауқұлақ өскіндерін, бактерияларды, вирустарды, сондай-ақ өсімдіктерді бүлдіретін жәндіктерді, кенелерді, нематодтарды, карантиндік арамшөптер тұқымдарын әкелуге тыйым салынады. 3. Карантинге жататын өнiм транзитiне Қазақстан Республикасының уәкілетті органның келісімi бойынша рұқсат етіледi. 4. Карантинге жатқызылған өнімді әкетуге уәкілетті органның аумақтық органдары беретін фитосанитариялық немесе карантиндік сертификаттар болған жағдайда: 1) Қазақстан Республикасынан тыс жерлерге - фитосанитариялық сертификаттар болған жағдайда; 2) Қазақстан Республикасының ішінде - карантиндік сертификаттар болған жағдайда рұқсат етіледі. 5. Карантинге жататын өнiмдi, жүктердi және көлiк құралдарын тексеру мен залалсыздандыру, зертханалық сараптама, карантин құжаттарын беру олардың иелерi қаражатының есебiнен, Қазақстан Республикасының өсiмдiктер карантинi саласындағы мемлекетаралық шарттары мен заңдарына сәйкес және соларда белгiленген тәртiппен жүзеге асырылады. |