ҚАЗАҚСТАН РЕСПУБЛИКАСЫ МЕН ХАЛЫҚАРАЛЫҚ ҚАЙТА ҚҰРУ ЖӘНЕ ДАМУ БАНКI арасындағы Қарыз туралы келісім (Ормандарды сақтау және республика аумағының орманды жерлерін ұлғайту жобасы) (2006 жыл 12 қазан)

ҚАРЫЗ №_____KZ

ҒЭҚ ТРАСТ-ҚОРЫНЫҢ ГРАНТЫ №_____TF

2007 жылғы  7 маусымдағы № 261-III   ҚР Заңымен  ратификацияланды

ҚАЗАҚСТАН РЕСПУБЛИКАСЫ МЕН
ХАЛЫҚАРАЛЫҚ ҚАЙТА ҚҰРУ ЖӘНЕ ДАМУ БАНКI
арасындағы
 
Қарыз туралы келісім
(Ормандарды сақтау және республика аумағының орманды жерлерін
ұлғайту жобасы)

200__жылғы ____________________

Қарыз №______ -KZ

ҚАРЫЗ ТУРАЛЫ КЕЛІСІМ

200__ жылғы ________________________________________________

ҚАЗАҚСТАН РЕСПУБЛИКАСЫ (Қарыз алушы) мен ХАЛЫҚАРАЛЫҚ ҚАЙТА ҚҰРУ және ДАМУ БАНКІ (Банк) арасындағы КЕЛІСІМ.

(А) Қарыз алушы осы Келісімге 2-қосымшада сипатталған жобаның (Жоба) орындалатынына және басымдығына көз жеткізе келіп, Банктен Жобаны қаржыландыруға көмек көрсетуді өтінді;

(В) осы Келісім сияқты сол күні жасалған келісімге (ҒЭҚ траст-қорының гранты туралы келісім) сәйкес Ғаламдық Экологиялық Қордың (ҒЭҚ) атқарушы ұйымы ретінде бой көрсететін Банк ҒЭҚ траст-қорының гранты туралы келісімде көзделген шарттармен Жобаны қаржыландыруға көмек көрсету үшін Қарыз алушыға бес миллион АҚШ доллары (5 000 000) сомасында Грант (ҒЭҚ траст-қорының гранты) беруге келіседі; және

Банк Қарыз алушыға басқа да шарттармен қатар, жоғарыда айтылғандардың негізінде осы Келісімде көзделген шарттармен Қарыз беруге келісетінін НАЗАРҒА АЛА ОТЫРЫП;

Осымен тараптар төмендегілер жайында уағдаласты:

1-БАП

Жалпы шарттар; Анықтамалар

1.01-бөлім. Төменде баяндалған өзгерістерді (Жалпы шарттарды) қоса алғанда, 1995 жылғы 30 мамырдағы Банктің "Қарыз және бір валюталы қарыз шеңберіндегі кепілдіктер туралы келісімдерге қолданылатын жалпы шарттары" (2004 жылғы 1 мамырдағы түзетулермен) осы Келісімнің ажырамас бөлігін құрайды.

(а) Жалпы шарттардың 5.08-бөлімі мынадай редакцияда өзгертілді:

"5.08-бөлім. Салықтық ескерту