Ғарыш кеңістігіне жіберілетін объектілерді тіркеу туралы Конвенция (Нью-Йорк қ. 1975 ж. 14 қаңтар)

Ғарыш кеңiстiгiне жiберiлетiн объектiлердi тiркеу
туралы Конвенция
(Нью-Йорк қ. 1975 ж. 14 қаңтар)

Конвенцияға Қазақстан Республикасының қосылуы туралы 1997.15.05. № 108-1 ҚР Заңын қара

Осы Конвенцияға қатысушы мемлекеттер,

ғарыш кеңiстiгiн бейбiт мақсатта зерттеудi және пайдалануды дамытуда барлық адамзаттың жалпы мүдделiлiгiн тани отырып,

1967 жылғы 27 қаңтардағы Айды және басқа да аспан денелерiн қоса алғанда, ғарыш кеңiстiгiн зерттеу және пайдалану жөніндегі мемлекеттер қызметiнiң принциптерi туралы Шартта, ғарыш кеңiстiгіндегі өзiнiң ұлттық қызметi үшiн мемлекеттер жауапкершiлiкте болады деп белгiленгенiн және ғарыш кеңiстiгiне жiберiлген объектi тiркелiмге енгiзiлген мемлекет туралы айтылғанын еске сала отырып,

сондай-ақ 1968 жылғы 22 сәуірдегі Ғарышкерлердi құтқару, ғарышкерлердiң қайтып келуi және ғарыш кеңiстiгiне жiберiлген объектiлердiң қайтып келуi туралы Келісімде, ұшыруды жүзеге асырған өкiметтердiң аумағынан тыс жерден табылған олардың ғарыш кеңiстiгiне жiберген объектiсi қайтып келгенге дейiн ұшыруды жүзеге асырған өкiметтердiң талап ету бойынша танып-бiлу деректерiн беруге тиiс екенi көзделгенiн еске сала отырып,

1972 жылғы 29 наурыздағы Ғарыш объектiлерi келтiрген залал үшiн халықаралық жауапкершiлiк туралы конвенция ұшырушы мемлекеттердiң жауапкершiлiгiне қатысты олардың ғарыш объектiлерiнiң келтiрiлген залалы үшiн халықаралық нормалар мен рәсiмдердi белгiлейтiнiн одан әрi еске сала отырып,

Айды және басқа да аспан денелерiн қоса алғанда, ғарыш кеңiстiгiн зерттеу және пайдалану жөніндегі мемлекеттер қызметiнiң принциптерi туралы Шарт тұрғысында ұшырушы мемлекеттердiң олардың ғарыш кеңiстігiне жiберген ғарыш объектiлерiнiң ұлттық тiркелiмiн көздеуге тiлек бiлдiре отырып,

Бiрiккен Ұлттар Ұйымының Бас хатшысы жүргiзетiн болатын, ғарыш кеңiстiгiне жiберiлген объектiлердiң мiндеттi негiзде орталықтандырылған тiзiлiмiн құруға одан әрi тiлек бiлдiре отырып,

сондай-ақ ғарыш объектiлерiн бiрдейлендiруге жәрдемдесе алатын қатысушы мемлекеттердiң қосымша қаражаты мен рәсiмдерiн қамтамасыз етуге тiлек бiлдiре отырып,