«Мәдениет туралы» 2006 жылғы 15 желтоқсандағы № 207-III Қазақстан Республикасының Заңы (2025.15.03. берілген өзгерістер мен толықтырулармен)

Қазақстан Республикасының
Заңы
 
Мәдениет туралы

(2025.15.03. берілген өзгерістер мен толықтырулармен)

1-тарау. ЖАЛПЫ ЕРЕЖЕЛЕР

1-бап. Осы Заңда пайдаланылатын негізгі ұғымдар

2-бап. Қазақстан Республикасының мәдениет туралы заңнамасы

3-бап. Мәдениет саласындағы мемлекеттік саясат принциптері

4-бап. Осы Заңның негізгі мақсаты мен міндеттері

2-тарау. МӘДЕНИЕТ САЛАСЫНДАҒЫ МЕМЛЕКЕТТІК БАСҚАРУ

5-бап. Мәдениет саласындағы қызметті мемлекеттік басқару

6-бап. Қазақстан Республикасы Үкіметінің құзыреті

7-бап. Уәкілетті органның құзыреті

8-бап. Облыстың, республикалық маңызы бар қаланың және астананың жергілікті атқарушы органының құзыреті

9-бап. Ауданның, облыстық маңызы бар қаланың жергілікті атқарушы органының құзыреті

9-1-бап. Ойын-сауық мәдени-бұқаралық іс-шараларды өткізуді ұйымдастыру тәртібі

3-тарау. АЗАМАТТАРДЫҢ МӘДЕНИЕТ САЛАСЫНДАҒЫ ҚҰҚЫҚТАРЫ МЕН МІНДЕТТЕРІ

10-бап. Азаматтардың мәдениет саласындағы шығармашылық қызметке құқықтары

11-бап. Азаматтардың мәдениет саласындағы міндеттері

12-бап. Мемлекеттің азаматтардың мәдениет саласындағы қызмет құқықтарын қамтамасыз ету жөніндегі міндеттері

12-1-бап. Мәдениет саласындағы ең төмен әлеуметтік стандарттар

4-тарау. ШЫҒАРМАШЫЛ ҚЫЗМЕТКЕРЛЕРДІҢ ЖӘНЕ МӘДЕНИЕТ ҚЫЗМЕТКЕРЛЕРІНІҢ, ШЫҒАРМАШЫЛЫҚ ОДАҚТАРДЫҢ ЖӘНЕ КӘСІБИ ЕМЕС (ӘУЕСҚОЙ) ШЫҒАРМАШЫЛЫҚ БІРЛЕСТІКТЕРДІҢ ҚҰҚЫҚТЫҚ МӘРТЕБЕСІ

13-бап. Алып тасталды

14-бап. Шығармашыл қызметкердің және мәдениет қызметкерінің құқықтары мен міндеттері

15-бап. Шығармашыл қызметкерлерді және мәдениет қызметкерлерін әлеуметтік қорғау

15-1-бап. Кәсібінің өзіндік ерекшелігі бар мәдениет ұйымдары әртістерін мемлекеттік әлеуметтік қолдау

16-бап. Шығармашылық одақтар

17-бап. Шығармашылық одаққа мүшелік

17-1-бап. Шығармашылық бастамаларды қолдау қорлары

18-бап. Кәсіби емес (әуесқойлық) шығармашылық бірлестіктер мен ұжымдар

18-1-бап. Мәдениет саласындағы авторлық және сабақтас құқықтар

18-2-бап. Креативті индустриялар саласындағы авторлық және сабақтас құқықтар

5-тарау. МӘДЕНИЕТ САЛАСЫНДАҒЫ ҚЫЗМЕТ

19-бап. Мәдениет ұйымдары

19-1-бап. Көркемдік кеңестер

19-2-бап. Қоғамдық маңызы бар әдебиетке мүліктік құқықтарды белгілі бір мерзімге сатып алу

19-3-бап. Қоғамдық маңызы бар әдебиетті басып шығару

20-бап. Алып тасталды

20-1 бап. Мемлекеттік мәдениет ұйымдарын аттестаттау

21-бап. Мәдениет ұйымдарының мәртебесі

22-бап. Театрлар

22-1-бап. Цирктер

23-бап. Концерттік ұйымдар

24-бап. Кітапхана ісі

24-1-бап. Қазақстан Республикасының Ұлттық мемлекеттік кітап палатасы

24-2-бап. Басылымның міндетті тегін даналары

24-3-бап. Қазақстанның ұлттық электрондық кітапханасы

24-4-бап. Қазақ тілінің ұлттық сөздік қоры және Қазақ тілінің ұлттық корпусы

25-бап. Музейлер

26-бап. Ауыл мәдениеті

27-бап. Мәдени-демалыс ұйымдары

28-бап. Алып тасталды

29-бап. Шығармашылық ұжымдар мен орындаушылардың қызметі

30-бап. Халық көркем шығармашылығы

31-бап. Мәдениет саласындағы қызметті қаржыландыру

6-тарау. МӘДЕНИ ҚҰНДЫЛЫҚТАР ЖӘНЕ ҰЛТТЫҚ МӘДЕНИ ИГІЛІК

32-бап. Мәдени құндылықтар

33-бап. Ұлттық мәдени игілік объектілерін есепке алу және жүйелеу

34-бап. Ұлттық-мәдени игілік объектілерінің ерекше режимі

35-бап. Мәдени құндылықтарды әкету және әкелу

36-бап. Мәдени құндылықтарды уақытша әкету тәртібі мен шарттары

7-тарау. МӘДЕНИЕТ САЛАСЫНДАҒЫ ХАЛЫҚАРАЛЫҚ ЫНТЫМАҚТАСТЫҚ

37-бап. Мәдениет саласындағы халықаралық ынтымақтастық

38-бап. Мәдениет саласындағы халықаралық ұйымдарға қатысу

8-тарау. ҚОРЫТЫНДЫ ЕРЕЖЕЛЕР

39-бап. Мәдениет саласындағы заңнаманың бұзылғаны үшін жауаптылық

40-бап. Осы Заңды қолданысқа енгізу тәртібі

2015.28.10. № 368-V ҚР Заңымен бүкіл мәтін бойынша «мұражай», «мұражайларға», «мұражайлардың» деген сөздер тиісінше «музей», «музейлерге», «музейлердің» деген сөздермен ауыстырылды (бұр.ред.қара)

2025.10.01. № 153-VIII ҚР Заңымен кіріспе алып тасталды (2025 ж. 22 қаңтардан бастап қолданысқа енгізілді) (бұр.ред.қара)

1-тарау. ЖАЛПЫ ЕРЕЖЕЛЕР

2010.27.05 № 280-IV ҚР Заңымен (ресми жарияланғанынан кейін алты ай өткен соң қолданысқа енгізілді) (бұр.ред.қара); 2012.18.01. № 546-ІV ҚР Заңымен (ресми жарияланғанынан кейiн күнтiзбелiк отыз күн өткен соң қолданысқа енгiзiлдi) (бұр.ред.қара) 1-бап өзгертілді

1-бап. Осы Заңда пайдаланылатын негізгі ұғымдар

Осы Заңда мынадай негізгі ұғымдар пайдаланылады:

2017.05.05. № 60-VІ ҚР Заңымен (бұр.ред.қара); 2020.30.12. № 395-VI ҚР Заңымен (2021 ж. 1 мамырдан бастап қолданысқа енгізілді) (бұр.ред.қара) 1) тармақша жаңа редакцияда

1) балалар мен жасөспірімдерге арналған шығармашылық үйірме - педагог, тәлімгер, мәдениет қызметкері немесе шығармашыл қызметкер өткізетін, тұрақты негізде ұйымдастырылатын, балалар мен жасөспірімдердің шығармашылық қабілеттерін дамытуға арналған сабақ;

2017.05.05. № 60-VІ ҚР Заңымен (бұр.ред.қара); 2020.02.11. № 370-VІ ҚР Заңымен (бұр.ред.қара); 2020.30.12. № 395-VI ҚР Заңымен (2021 ж. 1 мамырдан бастап қолданысқа енгізілді) (бұр.ред.қара) 1-1) тармақша жаңа редакцияда

1-1) баспа өнімі - мерзімді баспасөз басылымдары, кітаптар, брошюралар, альбомдар, плакаттар, буклеттер және өзге де полиграфиялық өнім;

1-2) 2019.03.01. № 213-VІ ҚР Заңымен алып тасталды (бұр.ред.қара)

1-3) 2019.03.01. № 213-VІ ҚР Заңымен алып тасталды (бұр.ред.қара)

2017.05.05. № 60-VІ ҚР Заңымен 1-4) тармақшамен толықтырылды; 2020.30.12. № 395-VI ҚР Заңымен 1-4) тармақша жаңа редакцияда (2021 ж. 1 мамырдан бастап қолданысқа енгізілді) (бұр.ред.қара)

1-4) басылымның міндетті тегін данасы - редакциялық-баспа өңдеуінен өткен, шығарылым деректері бар және осы Заңда айқындалатын мәдениет ұйымдарына өтеусіз негізде берілуге жататын қағаз жеткізгіштегі және (немесе) электрондық нысандағы басылым (мәтіндік, ноталық, картографиялық, бейнелеу басылымы) данасы;

2020.30.12. № 395-VI ҚР Заңымен 1-5) тармақшамен толықтырылды (2021 ж. 1 мамырдан бастап қолданысқа енгізілді)

1-5) көркем құндылықтар - шығармашылық қызмет нәтижесінде жасалған мәдениет, әдебиет және өнер туындылары;

2) көтермелеудің салалық жүйесі - саланы дамытуға қосқан үлесі үшін мәдениет, әдебиет және өнер қызметкерлерін моральдық ынталандыру нысаны;

2015.28.10. № 368-V ҚР Заңымен 2-1) тармақшамен толықтырылды; 2017.05.05. № 60-VІ ҚР Заңымен (бұр.ред.қара); 2020.02.11. № 370-VІ ҚР Заңымен (бұр.ред.қара); 2022.30.12. № 177-VІІ ҚР Заңымен (2023 ж. 12 қаңтардан бастап қолданысқа енгізілді) (бұр.ред.қара) 2-1) тармақша жаңа редакцияда

2-1) креативті индустриялар - жеке және заңды тұлғалардың креативті қызметінің нәтижелерін жасау, шығару, қайта жаңғырту және жаппай тарату жөніндегі индустриялар;

2017.05.05. № 60-VІ ҚР Заңымен 2-2) тармақшамен толықтырылды; 2020.02.11. № 370-VІ ҚР Заңымен (бұр.ред.қара); 2022.30.12. № 177-VІІ ҚР Заңымен (2023 ж. 12 қаңтардан бастап қолданысқа енгізілді) (бұр.ред.қара) 2-2) тармақша жаңа редакцияда

2-2) креативті қызмет - шығармашылық қызмет нәтижелерін коммерцияландыруға байланысты экономикалық қызмет түрлері;

2017.05.05. № 60-VІ ҚР Заңымен 2-3) тармақшамен толықтырылды; 2020.02.11. № 370-VІ ҚР Заңымен (бұр.ред.қара); 2022.30.12. № 177-VІІ ҚР Заңымен (2023 ж. 12 қаңтардан бастап қолданысқа енгізілді) (бұр.ред.қара) 2-3) тармақша жаңа редакцияда

2-3) Қазақстан кітапханаларының жиынтық электрондық каталогы - Қазақстан Республикасы кітапханаларының қорлары туралы библиографиялық мәліметтер қамтылған электрондық ақпараттық ресурс;

2020.02.11. № 370-VІ ҚР Заңымен 2-4) тармақшамен толықтырылды; 2022.30.12. № 177-VІІ ҚР Заңымен 2-4) тармақша жаңа редакцияда (2023 ж. 12 қаңтардан бастап қолданысқа енгізілді) (бұр.ред.қара)

2-4) Қазақстан Республикасының баспасөз архиві (бұдан әрі - баспасөз архиві) - Қазақстан Республикасы Ұлттық мемлекеттік кітап палатасының қорындағы баспа өнімінің жиынтығы;

2022.30.12. № 177-VІІ ҚР Заңымен 2-5) тармақшамен толықтырылды (2023 ж. 12 қаңтардан бастап қолданысқа енгізілді)

2-5) Қазақстан Республикасының материалдық емес мәдени мұрасы - ұрпақтан-ұрпаққа берілетін және материалдық емес мәдени құндылық болып табылатын салттар, түсініктер мен пайымдардың нысандары, білім мен дағдылар, сондай-ақ оларға байланысты құралдар, заттар;

2022.30.12. № 177-VІІ ҚР Заңымен 2-6) тармақшамен толықтырылды (2023 ж. 12 қаңтардан бастап қолданысқа енгізілді)

2-6) Қазақстан Республикасының мемлекеттік музей қоры каталогы - Қазақстан Республикасының музей қорына енгізілген барлық музей заттары және музей коллекциялары туралы мәліметтер қамтылған электрондық ақпараттық ресурс;

2025.03.03. № 166-VIII ҚР Заңымен 2-7) тармақшамен толықтырылды (2025 ж. 15 наурыздан бастап қолданысқа енгізілді)

2-7) Қазақстан Республикасының шет елдегі мәдениет орталықтары - Қазақстан Республикасының мәдени құндылықтарын дамыту және тарату мәселелері бойынша өзара іс-қимылды білім беру, ғылыми және мәдени әлеуетін пайдаланып жүзеге асыратын ұйымдар;

3) Қазақстан Республикасы халқының мәдени мұрасы - мемлекеттік маңызы бар және өзге мемлекеттерге беру құқығынсыз Қазақстан Республикасына ерекше тиесілі мәдени құндылықтар жиынтығы;

2015.28.10. № 368-V ҚР Заңымен 3-1) тармақшамен толықтырылды ; 2017.05.05. № 60-VІ ҚР Заңымен 3-1) тармақша жаңа редакцияда (бұр.ред.қара)

3-1) Қазақстан ұлттық электрондық кітапханасы - қазақстандық кітапханалардың, музейлер мен архивтердің қорларын сақтауға, сондай-ақ Қазақстанның тарихи, ғылыми және мәдени мұрасына пайдаланушылардың ақпараттық-коммуникациялық технологиялар арқылы еркін қол жеткізуін қамтамасыз етуге арналған мемлекеттік ақпараттық жүйе;

2015.28.10. № 368-V ҚР Заңымен 3-2) тармақшамен толықтырылды; 2017.05.05. № 60-VІ ҚР Заңымен (бұр.ред.қара); 2025.10.02. № 163-VIII ҚР Заңымен (2025 ж. 22 ақпаннан бастап қолданысқа енгізілді) (бұр.ред.қара) 3-2) тармақша жаңа редакцияда

3-2) қазақ тілінің үлкен тілдік моделі - қазақ тіліндегі мәтіндерді кейіннен өңдеу, генерациялау және талдау үшін мәтіндік деректердің үлкен көлемінде оқытылған жасанды нейрондық желі;

2015.28.10. № 368-V ҚР Заңымен 3-3) тармақшамен толықтырылды; 2017.05.05. № 60-VІ ҚР Заңымен (бұр.ред.қара); 2025.10.02. № 163-VIII ҚР Заңымен (2025 ж. 22 ақпаннан бастап қолданысқа енгізілді) (бұр.ред.қара) 3-3) тармақша жаңа редакцияда

3-3) қазақ тілінің сөздік қоры - тіл нормасына сәйкес келетін, лексикалық-орфографиялық, терминологиялық, ономастикалық және басқа да сөздіктерде, анықтамалықтарда, Қазақ тілінің ұлттық корпусында қамтылған сөздердің, терминдер мен сөз тіркестерінің жиынтығы, тілді мәдени құндылық ретінде сақтау құралы;

2017.05.05. № 60-VІ ҚР Заңымен 3-4) тармақшамен толықтырылды; 2025.10.02. № 163-VIII ҚР Заңымен 3-4) тармақша жаңа редакцияда (2025 ж. 22 ақпаннан бастап қолданысқа енгізілді) (бұр.ред.қара)

3-4) Қазақ тілінің ұлттық корпусы - қазақ тілінің барлық стилі мен жанрындағы мәтіндерді қамтитын, іздеу жүйесімен және мәтінмен жұмыс істеудің басқа да құралдарымен жарақтандырылған ақпараттық-анықтамалық жүйе;

2017.05.05. № 60-VІ ҚР Заңымен 3-5) тармақшамен толықтырылды; 2025.10.02. № 163-VIII ҚР Заңымен 3-5) тармақша жаңа редакцияда (2025 ж. 22 ақпаннан бастап қолданысқа енгізілді) (бұр.ред.қара)

3-5) Қазақ тілінің ұлттық сөздік қоры - қазақ тілінің сөздік қорына қолжетімділік беретін және ондағы ақпараттың ақпараттық-коммуникациялық технологиялар арқылы өңделуін қамтамасыз ететін мемлекеттік ақпараттық жүйе;

2020.02.11. № 370-VІ ҚР Заңымен 3-6) тармақшамен толықтырылды; 2025.10.02. № 163-VIII ҚР Заңымен 3-6) тармақша жаңа редакцияда (2025 ж. 22 ақпаннан бастап қолданысқа енгізілді) (бұр.ред.қара)

3-6) қоғамдық маңызы бар әдебиет - қоғамның рухани-білім және зияткерлік-мәдени әлеуетін арттыруға бағытталған өзекті шығармалар;

2025.10.02. № 163-VIII ҚР Заңымен 3-7) тармақшамен толықтырылды (2025 ж. 22 ақпаннан бастап қолданысқа енгізілді)

3-7) қоюшы (қоюшы режиссер, қоюшы балетмейстер, қоюшы суретші) (бұдан әрі - қоюшы) - дербес көркемдік шешім негізінде театр, цирк немесе өзге де өнер туындыларының қойылымын жүзеге асыратын жеке тұлға;

2025.10.02. № 163-VIII ҚР Заңымен 3-8) тармақшамен толықтырылды (2025 ж. 22 ақпаннан бастап қолданысқа енгізілді)

3-8) материалдық емес мәдени мұраны қорғау - материалдық емес мәдени мұраның сәйкестендірілуін, құжаттандырылуын, зерттелуін, сақталуын, қорғалуын, танымал етілуін, рөлінің артуын, сондай-ақ жаңғыртылуын қоса алғанда, оның өміршеңдігін қамтамасыз ету мақсатында шаралар қабылдау;

2025.10.02. № 163-VIII ҚР Заңымен 3-9) тармақшамен толықтырылды (2025 ж. 22 ақпаннан бастап қолданысқа енгізілді)

3-9) Материалдық емес мәдени мұра элементтерінің ұлттық тізбесі - Қазақстан халқының материалдық емес мәдени мұрасының мәдени құндылықтар тізбесі;

2025.10.02. № 163-VIII ҚР Заңымен 3-10) тармақшамен толықтырылды (2025 ж. 22 ақпаннан бастап қолданысқа енгізілді)

3-10) мәдени-бұқаралық іс-шара - халыққа музыкалық-эстетикалық тәрбие беруге, оның рухани және эстетикалық сұраныстарын қанағаттандыруға бағытталған мәдени іс-шара;

2017.05.05. № 60-VІ ҚР Заңымен 4) тармақша жаңа редакцияда (бұр.ред.қара)

4) мәдениет - жеке адамның жарасымды дамуына, Қазақстан Республикасы азаматтарының патриотизмін тәрбиелеуге және эстетикалық қажеттіліктері мен мүдделерін қанағаттандыруға бағытталған мәдени құндылықтар жиынтығы;

5) мәдениет қызметкері - кәсіби қызметі мәдени құндылықтарды сақтаумен, дамытумен, таратумен, пайдаланумен және оларға азаматтарды баулумен байланысты болатын жеке адам;

2013.13.06. № 102-V ҚР Заңымен 6) тармақша жаңа редакцияда (бұр.ред.қара)

6) мәдениет саласындағы әлеуметтiк маңызы бар iс-шаралар - халықаралық, республикалық және жергілікті деңгейлерде есте тұту және мерейтой күндерiн, мәдениет күндерiн, фестивальдар, байқаулар, конкурстар, көрмелер өткiзу және көрнектi мемлекет қайраткерлерiн мәңгi есте қалдыру жөнiндегi iс-шаралар;

2015.16.11. № 403-V ҚР Заңымен (бұр.ред.қара); 2017.05.05. № 60-VІ ҚР Заңымен (бұр.ред.қара) 7) тармақша жаңа редакцияда

7) мәдениет саласындағы қызмет - мәдени қызмет субъектілерінің мәдени құндылықтарды жасау, жаңғырту, сақтау, қорғау, дамыту, тарату және пайдалану, сондай-ақ оларға Қазақстан Республикасының азаматтарын тарту жөніндегі қызметі;

2017.05.05. № 60-VІ ҚР Заңымен 8) тармақша өзгертілді (бұр.ред.қара)

8) мәдениет саласындағы мемлекеттік саясат - мәдени және рухани құндылықтарды жасауға, жаңғыртуға, сақтауға, қорғауға, дамытуға, таратуға және пайдалануға бағытталған, мемлекеттік органдар қабылдайтын шаралар кешені;

2013.13.06. № 102-V ҚР Заңымен 9) тармақша жаңа редакцияда (бұр.ред.қара)

9) мәдениет саласындағы уәкiлеттi орган (бұдан әрi - уәкiлеттi орган) - мәдениет саласындағы басшылықты және салааралық үйлестіруді жүзеге асыратын орталық атқарушы орган;

10) мәдениет ұйымдары - қызметінің негізгі нысанасы мәдениет саласындағы қызметті жүзеге асыру болып табылатын, Қазақстан Республикасының заңнамасына сәйкес құрылған заңды тұлғалар;

11) мемлекеттік мәдениет ұйымдары қызметкерлерін аттестаттау - мемлекеттік мәдениет ұйымдары қызметкерлерінің біліктілік деңгейінің біліктілік талаптарына сәйкестігін айқындау мақсатында өткізілетін рәсім;

2015.28.10. № 368-V ҚР Заңымен 12) тармақша жаңа редакцияда (бұр.ред.қара)

12) мәдени құндылықтар - тарихи, көркем, ғылыми немесе өзге де мәдени мәні бар, зайырлы және діни сипаттағы материалдық және материалдық емес құндылықтар;

2019.08.01. № 215-VІ ҚР Заңымен 12-1) тармақшамен толықтырылды (2019 ж. 11 сәуірден бастап қолданысқа енгізілді)

12-1) мәдени қызмет субъектілері - мәдениет саласындағы қызметке қатысатын мемлекеттік органдар, жергілікті атқарушы органдар, жеке және заңды тұлғалар;

2020.30.12. № 395-VI ҚР Заңымен 12-2) тармақшамен толықтырылды (2021 ж. 1 мамырдан бастап қолданысқа енгізілді)

12-2) мәдени іс-шара - мәдени және рухани құндылықтарды жасауға, жаңғыртуға, сақтауға, қорғауға, дамытуға, таратуға және пайдалануға байланысты, жеке адамның жарасымды дамуына, әрбір адамның патриотизмін тәрбиелеуге және эстетикалық қажеттіліктері мен мүдделерін қанағаттандыруға бағытталған іс-шара;

2020.30.12. № 395-VI ҚР Заңымен 12-3) тармақшамен толықтырылды (2021 ж. 1 мамырдан бастап қолданысқа енгізілді)

12-3) мемлекеттік музей қоры (бұдан әрі - музей қоры) - мемлекеттік музейлер, музей-қорықтар мен басқа да мемлекеттік ұйымдар қорындағы және Қазақстан Республикасына тиесілі мәдени құндылықтар жиынтығы;

2015.28.10. № 368-V ҚР Заңымен (бұр.ред.қара); 2019.08.01. № 215-VІ ҚР Заңымен (2019 ж. 11 сәуірден бастап қолданысқа енгізілді) (бұр.ред.қара); 2020.30.12. № 395-VI ҚР Заңымен (2021 ж. 1 мамырдан бастап қолданысқа енгізілді) (бұр.ред.қара) 13) тармақша жаңа редакцияда

13) мемлекеттік шығармашылық тапсырыс - мемлекет қаржыландыратын, мемлекеттік шығармашылық тапсырыстың жан басына шаққандағы нормативтік қаржыландыру әдістемесіне сәйкес айқындалатын және өнім берушілерде олардың меншік нысанына, ведомстволық бағыныстылығына, типтері мен түрлеріне қарамастан орналастырылатын, балалар мен жасөспірімдер үшін мәдениет саласында көрсетілетін қызметтер көлемі;

2015.28.10. № 368-V ҚР Заңымен 13-1) тармақшамен толықтырылды; 2017.05.05. № 60-VІ ҚР Заңымен (бұр.ред.қара); 2020.30.12. № 395-VI ҚР Заңымен (2021 ж. 1 мамырдан бастап қолданысқа енгізілді) (бұр.ред.қара) 13-1) тармақша жаңа редакцияда

13-1) мемлекеттік шығармашылық тапсырыстың жан басына шаққандағы қаржыландыру нормативі - балалар мен жасөспірімдерге арналған шығармашылық үйірмелер үшін балалар мен жасөспірімдерге мәдениет саласында көрсетілетін қызметтердің мемлекеттік кепілдендірілген құнының қаржылық қамтамасыз ету нормативі;

2016.22.01. № 446-V ҚР Заңымен 13-2), 13-3), 13-4) және 13-5) тармақшалармен толықтырылды; 2017.05.05. № 60-VІ ҚР Заңымен 13-2) тармақша жаңа редакцияда (бұр.ред.қара)

13-2) музей дерекқоры - музей заттары мен музей коллекцияларының мемлекеттік есепке алынуын қамтамасыз ететін, музей жинағына кіретін және Қазақстан Республикасының музей қорына енгізілген әрбір музей заты мен музей коллекциясы туралы мәліметтердің жиынтығы;

2017.05.05. № 60-VІ ҚР Заңымен (бұр.ред.қара); 2020.02.11. № 370-VІ ҚР Заңымен (бұр.ред.қара) 13-3) тармақша жаңа редакцияда

13-3) ойын-сауық мәдени-бұқаралық іс-шара - ойын-сауық мәдени-бұқаралық іс-шаралар өткізуге арналған орындарда өткізілетін және осы іс-шарада екі жүз және одан көп көрерменнің бір мезгілде болуы көзделетін мәдени-бұқаралық іс-шара;

2017.05.05. № 60-VІ ҚР Заңымен 13-4) тармақша жаңа редакцияда (бұр.ред.қара)

13-4) ойын-сауық мәдени-бұқаралық іс-шараларды өткізуге арналған орындар - ойын-сауық мәдени-бұқаралық іс-шараларды өткізуге ыңғайластырылған объектілер мен құрылыстар, сондай-ақ осы мақсаттар үшін арнайы жасалмаған өзге де орындар (стадиондар, спорт сарайлары, ипподромдар, демалыс аймақтары, саябақтар, гүлзарлар, алаңдар, көшелер);

2017.05.05. № 60-VІ ҚР Заңымен 13-5) тармақша жаңа редакцияда (бұр.ред.қара)

13-5) ойын-сауық мәдени-бұқаралық іс-шаралар өткізілетін уақыт - ойын-сауық мәдени-бұқаралық іс-шараларды өткізуге арналған орындарға алғашқы көрермен кірген (келген) кезден бастап іс-шаралар аяқталғанға және осы орындардан соңғы көрермен шыққанға (кеткенге) дейінгі уақыт;

2017.05.05. № 60-VІ ҚР Заңымен 13-6) тармақшамен толықтырылды

13-6) ойын-сауық мәдени-бұқаралық іс-шараны ұйымдастырушы - бастамасы бойынша ойын-сауық мәдени-бұқаралық іс-шара өткізілетін жеке немесе заңды тұлға;

2017.05.05. № 60-VІ ҚР Заңымен 13-7) тармақшамен толықтырылды

13-7) сырттан шақырылған шығармашыл қызметкерлер - шақырушы мәдениет ұйымымен еңбек қатынастарында тұрмайтын шығармашыл қызметкерлер;

2017.05.05. № 60-VІ ҚР Заңымен 13-8) тармақшамен толықтырылды

13-8) театрлық қойылым - театр өнерінің драмалық, музыкалық-драмалық немесе әдеби шығармалар негізінде жасалған, көркем ойы мен нақты атауы бар туындысы;

2015.28.10. № 368-V ҚР Заңымен 14) тармақша жаңа редакцияда (бұр.ред.қара)

14) ұлттық мәдени игілік - ел тарихы мен мәдениеті үшін ерекше мәні бар және Ұлттық мәдени игілік объектілерінің мемлекеттік тізіліміне енгізілген материалдық мәдени құндылықтар;

15) ұлттық мәдени игілік объектілерінің айрықша режимі - тарихи-мәдени мұра объектілерін сақтау, ұстау, қалпына келтіру, қорғау және пайдалану жөнінде мемлекет қабылдайтын шаралар;

16) Ұлттық мәдени игілік объектілерінің мемлекеттік тізілімі (бұдан әрі - Мемлекеттік тізілім) - ел тарихы мен мәдениеті үшін айрықша мәні бар ұлттық - мәдени игіліктің тізбесі;

16-1) - 16-7) 2019.03.01. № 213-VІ ҚР Заңымен алып тасталды (бұр.ред.қара)

17) шығармашыл қызметкер - кәсіби немесе әуесқой шығармашылық қызметі көркем құндылықтар жасауға, әдебиет пен өнер туындыларын орындауға немесе түрлендіруге (тәржімалауға) бағытталған жеке адам;

18) шығармашылық қызмет - кез келген нысанда және кез келген тәсілмен көркем құндылықтар жасауға немесе әдебиет пен өнер шығармаларын түрлендіруге (тәржімалауға) бағытталған қызмет;

2022.30.12. № 177-VІІ ҚР Заңымен 18-1) тармақшамен толықтырылды (2023 ж. 12 қаңтардан бастап қолданысқа енгізілді)

18-1) шығармашылық қызмет нәтижелерін коммерцияландыру - кіріс алуға бағытталған, жаңа немесе жетілдірілген тауарларды, процестер мен көрсетілетін қызметтерді нарыққа шығару мақсатында зияткерлік қызмет нәтижелерін қоса алғанда, шығармашылық қызмет нәтижелерін іс жүзінде қолдануға байланысты қызмет;

19) шығармашылық одақ - мәдениеттің бір немесе бірнеше жанры кәсіби шығармашыл қызметкерлерінің өздерінің жеке мүшелігі негізінде құрылатын қоғамдық бірлестігі.

2-бап. Қазақстан Республикасының мәдениет туралы заңнамасы

1. Қазақстан Республикасының мәдениет туралы заңнамасы Қазақстан Республикасының Конституциясына негізделеді, осы Заңнан және Қазақстан Республикасының өзге де нормативтік құқықтық актілерінен тұрады.

2. Егер Қазақстан Республикасы бекіткен халықаралық шартта осы Заңдағыдан өзгеше ережелер белгіленсе, онда халықаралық шарттың ережелері қолданылады.

2020.30.12. № 395-VI ҚР Заңымен 3-тармақпен толықтырылды (2021 ж. 1 мамырдан бастап қолданысқа енгізілді)

3. Қазақстан Республикасының мәдениет туралы заңнамасымен реттелген құқықтық қатынастарға мемлекеттік шығармашылық тапсырыстың көрсетілетін қызметтерін сатып алу бөлігінде Қазақстан Республикасының мемлекеттік сатып алу туралы заңнамасының күші қолданылмайды.

2010.27.05 № 280-IV ҚР Заңымен 3-бап өзгертілді (ресми жарияланғанынан кейін алты ай өткен соң қолданысқа енгізілді) (бұр.ред.қара)

3-бап. Мәдениет саласындағы мемлекеттік саясат принциптері

Қазақстан Республикасының мәдениет саласындағы мемлекеттік саясатының негізгі принциптері:

1) мәдениетті мемлекеттік қолдау, Қазақстан халқының мәдени мұрасын сақтау және дамыту;

2) Қазақстан Республикасы азаматтарының мәдениет саласындағы құқықтары мен бостандықтарын қамтамасыз ету;

3) 2010.27.05 № 280-IV ҚР Заңымен алып тасталды (ресми жарияланғанынан кейін алты ай өткен соң қолданысқа енгізілді) (бұр.ред.қара)

4) тарихи және мәдени мұраны қорғау және олардың дамуында сабақтастықты қамтамасыз ету;

5) қазақтың ұлттық мәдениетінің тұтастығын сақтау және өзара байыту факторларының бірі ретінде шет елдерде тұратын отандастармен мәдени байланыстарды дамыту;

6) қазақ халқының және этностық диаспоралардың тарихи мұрасын сақтау, қоғамның шығармашылық әлеуетін дамыту және молайту үшін құқықтық кепілдіктер жасау;

7) 2010.27.05 № 280-IV ҚР Заңымен алып тасталды (ресми жарияланғанынан кейін алты ай өткен соң қолданысқа енгізілді) (бұр.ред.қара)

8) 2010.27.05 № 280-IV ҚР Заңымен алып тасталды (ресми жарияланғанынан кейін алты ай өткен соң қолданысқа енгізілді) (бұр.ред.қара)

9) мәдени қызмет субъектілері арасында бәсекелес ортаны қалыптастыру;

2017.05.05. № 60-VІ ҚР Заңымен 10) тармақша өзгертілді (бұр.ред.қара)

10) Қазақстан халқы мәдениетінің әлемдік мәдени кеңістікке интеграциялануын қамтамасыз ету;