«2008 жылы жекешелендіруге және оның алдын ала жүргізілетін сатыларына жататын Шығыс Қазақстан облысының коммуналдық меншік объектілерінің тізбесі туралы» Шығыс Қазақстан облысының әкімдігінің 2008 жылғы 7 наурыздағы № 484 қаулысы (2008.09.12. берілген өзгерістер мен толықтыруларымен)

2008 жылы жекешелендіруге және оның алдын ала жүргізілетін сатыларына жататын Шығыс Қазақстан облысының коммуналдық меншік объектілерінің тізбесі туралы
Шығыс Қазақстан облысының әкімдігінің 2008 жылғы 7 наурыздағы № 484 қаулысы

(2008.09.12. берілген өзгерістер мен толықтыруларымен)

«Нормативтік құқықтық актілер туралы» Қазақстан Республикасы Заңының 40-бабына, «Қазақстан Республикасындағы жергілікті мемлекеттік басқару туралы» Қазақстан Республикасы Заңының 27-бабы 1-тармағының 2) тармақшасына, «Жекешелендіру туралы» Қазақстан Республикасының Заңына сәйкес, Шығыс Қазақстан облысының қалалары мен аудандары әкімдерінің, сондай-ақ облыстық департаменттер мен басқармалардың қолдаухаттары негізінде, Шығыс Қазақстан облысының әкімдігі ҚАУЛЫ ЕТЕДІ:

1. 2008 жылы жекешелендіруге және оның алдын ала жүргізілетін сатыларына жататын Шығыс Қазақстан облысының коммуналдық меншік объектілерінің қоса беріліп отырған тізбесі (бұдан әрі-Тізбе) бекітілсін.

2. «Шығыс Қазақстан облысының қаржы департаменті» мемлекеттік мекемесі (А.А. Құрманғалиев) заңнамамен белгіленген тәртіпте Тізбеде көрсетілген объектілерді жекешелендіру және оның алдын ала жүргізілетін сатылары бойынша іс-шараларды жүзеге асырсын.

3. Күші жойылды деп есептелсін:

1) «Жекешелендіруге және оның алдын ала жүргізілетін сатыларына жататын Шығыс Қазақстан облысының коммуналдық меншік объектілерінің тізбесін бекіту туралы» Шығыс Қазақстан облысы әкімдігінің 2006 жылғы 10 шілдедегі № 674, Нормативтік құқықтық актілерді мемлекеттік тіркеу тізілімінде № 2428 болып тіркелген, 2006 жылғы 1 тамыздағы № 78 «Дидар», 2006 жылғы 29 шілдедегі № 116 «Рудный Алтай» газеттерінде жарияланған қаулысы;