«Ауыл шаруашылығы тауарын өндірушілерге берілген судың 1 (бір) текше метріне 2008 жылы бөлінетін субсидия мөлшерлерін бекіту туралы» Қазақстан Республикасы Ауыл шаруашылығы министрінің 2008 жылғы 26 наурыздағы № 180 Бұйрығы

Ауыл шаруашылығы тауарын өндірушілерге берілген судың 1 (бір) текше метріне
2008 жылы бөлінетін субсидия мөлшерлерін бекіту туралы
Қазақстан Республикасы Ауыл шаруашылығы министрінің 2008 жылғы 26 наурыздағы № 180 Бұйрығы

Қазақстан Республикасы Үкіметінің 2006 жылғы 4 сәуірдегі № 237 қаулысымен бекітілген Ауыл шаруашылығы тауарын өндірушілерге су беру жөніндегі қызметтердің құнын субсидиялау ережесінің 6-тармағына сәйкес (Қазақстан Республикасы Үкіметінің 2008 жылғы 18 маусымдағы № 506 қаулысымен енгізілген өзгерістерімен ) БҰЙЫРАМЫН:

1. Табиғи монополиялар саласындағы қызметті бақылау мен реттеудi жүзеге асыратын уәкілеттi мемлекеттік орган бекіткен, су беру жөнiнде көрсетiлетiн қызметтерге тарифтік сметаларда ескерілген шығындарға пайыздық ара қатынаста, сондай-ақ:

су беру әдістерін:

ауылдық су пайдаланушылардың тұтыну кооперативтеріне (бұдан әрі - АСТК) біріктірілмеген, ауыл шаруашылығы дақылдарын жер бетімен суару тәсілдерін қолданатын, ауыл шаруашылығы тауарын өндірушілерге суару суын жеткізіп беретін су берушілер үшін - 25% (жиырма бес пайыз) көлемінде;