(БҰРЫНҒЫ РЕДАКЦИЯ) IV САЙЛАНҒАН АЛМАТЫ ҚАЛАСЫ МӘСЛИХАТЫНЫҢ ХІV...200...

2009 жылға арналған Алматы қаласының бюджеті туралы
IV сайланған Алматы қаласы мәслихатының ХІV сессиясының 2008 жылғы 22 желтоқсандағы № 154 шешімі

Осы редакция 2009 жылғы 20 ақпандағы енгізілген өзгерістеріне дейін қолданылды

ІV сайланған Алматы қаласының мәслихаты ШЕШІМ ЕТТІ:

1. 2009 жылға арналған Алматы қаласының бюджеті 1 қосымшаға сәйкес мынадай көлемдерде бекітілсін:

1) кірістер - 172 256 880 мың теңге, оның ішінде:

салықтық түсімдер - 160 358 650 мың теңге;

салықтық емес түсімдер - 1 838 230 мың теңге;

негізгі капиталды сатудан түсетін түсімдер - 10 060 000 мың теңге;

2)шығындар - 166 248 128 мың теңге;

3)таза бюджеттік кредит беру - -1 333 920 мың теңге, оның ішінде:

бюджеттік кредиттерді өтеу - 1 333 920 мың теңге;

4)қаржы активтерімен жасалатын операциялар бойынша сальдо - 559 686 мың теңге, оның ішінде:

қаржы активтерін сатып алу - 759 686 мың теңге;

мемлекеттің қаржы активтерін сатудан түсетін түсімдер - 200 000 мың теңге;

5)бюджет профициті - 6 782 986 мың теңге;

6)бюджет профицитін пайдалану - - 6 782 986 мың теңге, оның ішінде:

қарыздарды өтеу - 6 782 986 мың теңге.

2. Алматы қаласы бюджетінің кірістері мынадай салықтар мен түсімдер есебінен құралады деп белгіленсін:

- жеке табыс салығынан;

- әлеуметтік салықтан;

- заңды және жеке тұлғалардың мүлігіне салынатын салықтардан;

- жер салығынан;

- заңды және жеке тұлғалардың көлік құралдарына салынатын салықтардан;

- бірыңғай жер салығынан;

- Қазақстан Республикасының аумағында өндірілген алкоголь өнімдеріне (оның ішінде араққа, әлсіз және күшті ликер-арақ бұйымдарына, шарапқа, коньякқа, сыраға) берілген акциздерден;

- бензиндерге (авиациялық бензинді қоспағанда); заңды және жеке тұлғалар көтерме саудада сататын, сондай-ақ өзіндік өндірістік қажеттіліктерге пайдаланылатын дизель отынына берілетін акциздерден;

- жер бетіндегі су көздерінің ресурстарын пайдаланғаны үшін түсетін төлемдерден;

- жер телімдерін пайдаланғаны үшін түсетін төлемдерден;

- қоршаған ортаға эмиссиялық төлемдерінен;

- жеке кәсіпкерлерді мемлекеттік тіркеу үшін алынатын алымдардан;