(БҰРЫНҒЫ РЕДАКЦИЯ) ҚР ІШКІ ІСТЕР МИНИСТРЛІГІНІҢ 13.04.04 Ж. № 221 БҰЙРЫҒЫ

Қазақстан Республикасы Ішкі істер Министрлігінің жоғары оқу орындарының
магистратурасына іріктеу және қабылдау ережелерін бекіту туралы Қазақстан
Республикасының Ішкі істер министрінің 2004 жылғы 13 сәуірдегі № 221 Бұйрығы

Осы редакция 2009 жылғы 9 сәуірдегі енгізілген өзгерістеріне дейін қолданылды

Ішкі істер органдары үшін жаңа буын өкілдері арасынан басшы кадрлар резервін дайындау мақсатында Бұйырамын:

1. Қоса беріліп отырған Қазақстан Республикасы Ішкі істер министрлігінің жоғары оқу орындарының магистратурасына іріктеу және қабылдау ережелері бекітілсін.

2. Қазақстан Республикасы Ішкі істер министрлігі қызметтерінің, Ішкі істер бас басқармаларының, Ішкі істер басқармаларының, Көліктегі ішкі істер басқармаларының бастықтары:

1) көрсетілген бұйрықты басшылыққа алсын және орындасын;

2) Қазақстан Республикасы Ішкі істер министрлігінің жоғары оқу орындары магистратурасына оқуға үміткерлерді уақытында және сапалы іріктеуді қамтамасыз етсін.

3. Қазақстан Республикасы Ішкі істер министрінің 2002 жылғы 11 шілдедегі № 487 «Қазақстан Республикасы Ішкі істер министрлігі Академиясының ішкі істер органдарының басшы кадрларын және тәрбие аппараттарының мамандарын даярлау факультетіне (№ 1 факультет) іріктеу және қабылдау ережелерін бекіту туралы» (Қазақстан Республикасы Әділет министрлігінің Нормативтік құқықтық актілерді Мемлекеттік тіркеу реестрінде № 1934 болып тіркелген және 2002 жылғы қазан айындағы № 39 Қазақстан Республикасы орталық атқарушы және де өзге де мемлекеттік органдарының нормативтік құқықтық актілер бюллетенінде жарияланған) және 2003 жылғы 19 қарашадағы № 650 «Қазақстан Республикасы Ішкі істер министрінің 2002 жылғы 11 шілдедегі № 487 «Қазақстан Республикасы Ішкі істер министрлігі Академиясының ішкі істер органдарының басшы кадрларын және тәрбие аппараттарының мамандарын даярлау факультетіне (№ 1 факультет) іріктеу және қабылдау ережелерін бекіту туралы» бұйрығына өзгерістер енгізу туралы» (Қазақстан Республикасы Әділет министрлігінің Нормативтік құқықтық актілерді Мемлекеттік тіркеу реестрінде № 2567 болып тіркелген) бұйрықтарының күші жойылды деп саналсын.