|
|
|
З.Р. Якупованы, А.М. Көлбайды және Р.С. Қыстаубаевты Мәскеу қаласына (Ресей Федерациясы) іссапарға жіберу туралы
«Орталық және жергілікті мемлекеттік органдарда, холдингтерде, ұлттық компанияларда, әлеуметтік-кәсіпкерлік корпорацияларда әкімшілік шығыстарды қысқарту жөніндегі шаралар туралы» Қазақстан Республикасы Президентінің 2008 жылғы 30 желтоқсандағы № 289 өкіміне сәйкес, Кеден одағының Сыртқы сауда статистикасын және өзара сауда статистикасын жүргізудің бірыңғай әдіснамасының жобасын талқылау бойынша сарапшылардың отырысына қатысу мақсатында Қазақстан Республикасының Үкіметі ҚАУЛЫ ЕТЕДІ: 1. Қазақстан Республикасы Статистика агенттігі Қызметтер статистикасы департаментінің директоры Зифа Рафикқызы Якупова, Қазақстан Республикасы Қаржы министрлігі Кедендік бақылау комитетінің талдау және статистика басқармасы бастығының орынбасары Аян Мәуленбайұлы Көлбай және Қазақстан Республикасы Қаржы министрлігінің Салық комитеті талдау, мониторинг және камералды бақылау басқармасының бас сарапшысы Руслан Серікбайұлы Қыстаубаев 2009 жылғы 22 - 27 маусым кезеңіне Мәскеу қаласына (Ресей Федерациясы) іссапарға жіберілсін. 2. Қазақстан Республикасы Сыртқы істер министрлігі З.Р. Якуповаға, А.М. Көлбайға және Р.С. Қыстаубаевқа қонақ үйде тұруға, тәуліктік және Астана - Мәскеу - Астана бағыты бойынша көліктік шығыстарға 2009 жылға арналған республикалық бюджетте 005 «Шетелдік іссапарлар» бағдарламасы бойынша көзделген қаражат есебінен валюта айырбастаудың берілетін күнгі нарықтық бағамы бойынша белгіленген тәртіппен шетелдік валютада қаражат бөлсін. 3. Осы қаулы қол қойылған күнінен бастап қолданысқа енгізіледі.
Доступ к документам и консультации
от ведущих специалистов |