Дәрілік затты қолдану жөнінде мамандарға арналған нұсқаулық «Офломак-200» (Қазақстан Республикасы Денсаулық сақтау министрлігі Фармация комитеті Төрағасының 2007 жылғы 14 маусымдағы № 99 бұйрығымен бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2007 жылғы 14 маусымдағы

№ 99 бұйрығымен бекітілген

Дәрілік затты қолдану жөнінде мамандарға арналған нұсқаулық
Офломак-200

Саудалық атауы

ОФЛОМАК-200

Халықаралық патенттелмеген атауы

Офлоксацин

Дәрілік түрі

Қабықпен қапталған 200 мг таблеткалар

Құрамы

Қабықпен бір таблетканың құрамында

белсенді зат: офлоксацин 200 мг

қосымша зат:  микрокристалдық целлюлоза  12,65 мг, лактоза 8,35 мг, натрий лаурил сульфаты 0,50 мг, повидон (PVK-30) 4,00 мг, натрий крахмалы гликоллаты 6,00 мг, кросповидон  3,00 мг, коллоидты сусыз кремний 1,00 мг, тазартылған тальк 3,75 мг, магний стеараты 1,57 мг, гидроксипропилметилцеллюлоза 2,49 мг, титанның қос тотығы 0,67 мг, лак хинолинді сары0,07 мг, полиэтиленгликоль 6000 - 0,25 мг, диэтилфталат 0,50 мг.

Сипаттамасы

Екі беті дөңес, қабықпен қапталған, тегіс, сары түсті сопақша түрдегі таблеткалар.

Фармакотерапиялық тобы

Бактерияға қарсы жүйелі әсер ететін дәрілер, фторхинолондар.

АТЖ коды J01MA02

Фармакологиялық қасиеттері

Офлоксацин хинолон туындылары болып табылады, грамоң және грамтеріс бактериялар жөнінде бактерияға қарсы кең ауқымды белсенділікке ие. Офлоксацин өз әсерін жасушаның көбеюіне бейім генетикалық материалдың дайындалуына жауапты бактериялық ДНК-гиразаны бөгей отырып жүзеге асырады.

Фармакокинетикасы

Сіңуі: ішу арқылы қабылдағаннан кейін офлоксацин жылдам және жақсы (95%) сіңеді. Биожетімділігі - 96% астам. Барынша жоғары концентрациясы (С_max) 1-2 сағат өткенде байқалады және дозаға тәуелді болады. тамақтану сіңуін баяулатады, бірақ биожетімділігіне елеулі әсер етпейді.