Дәрілік затты қолдану жөнінде мамандарға арналған нұсқаулық Протомид (Қазақстан Республикасы Денсаулық сақтау министрлігі Фармация комитеті Төрағасының 2007 жылғы 18 маусымдағы № 102 бұйрығымен бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2007 жылғы 18 маусымдағы

№ 102 бұйрығымен бекітілген

Дәрілік затты қолдану жөнінде мамандарға арналған нұсқаулық
Протомид

Саудалық атауы

ПРОТОМИД

Халықаралық патенттелмеген атауы

Протионамид

Дәрілік түрі

Үлбірлі қабықпен қапталған 250 мг таблеткалар

Құрамы

Бір таблетканың құрамында

белсенді зат: 250 мг протионамид

қосымша заттар: жүгері крахмалы, желатин, тазартылған су,  натрий крахмалы гликоляты (А түрі), коллоидты сусыз кремний (Aerosil-200), акация камеді, тазартылған тальк, магний стеараты, повидон (PVP K-30), изопропил спирті,  гидроксипропилметилцеллюлоза (гипромелллоза) 5 cps, титанның қос тотығы (Е-171), хинолинды сары (Е-104), диэтилфталат.

Сипаттамасы

Үлбірлі қабықпен қапталған екі жағы дөңес, дөңгелек сары таблеткалар

Фармакотерапиялық тобы

Туберкулезді емдеуге арналған дәрілер. Тиокарбамид туындылары.

АТЖ коды J04AD01.

Фармакологиялық қасиетері

Фармакокинетикасы

Протионамид ішу арқылы қабылдағаннан кейін жақсы сіңеді. 250 мг қабылдағаннан кейін плазмадағы барынша жоғары концентрациясына 2 сағат өткенде жетеді және 1,0-1,4 мг/л; 500 мг қабылдағаннан кейін 3 мг/л құрайды. 0,05 мг/л шектегі концентрациясы алапес микобактерияларының көбеюін in vitro бәсеңдетеді. Плазмадағы жартылай тіршілік ету кезеңі  - 1,8 сағат. Протионамид жұлын сұйықтығын қоса, тіндер мен биологиялық орталарға жақсы таралады.

Протионамид микобактериялар жөнінде теңдей белсенділігі бар сульфоксид-метаболиттерді түзе отырып, қарқынды биотрансформацияға ұшырайды. Өзгермеген күйінде несеппен енгізілген заттың 0,08%, және метаболиттер түрінде 0,4% бөлініп шығады; жартылай шығарылу кезеңдерінің орташа мәндері тиісінше 1,38 және 1,63 сағатты құрайды. Өзгермеген протионамидтің 0,1% ішек арқылы бөлініп шығады.

Бауыр ауруларының протионамидтің фармакокинетикасына әсері анықталмаған. Бүйрегінің аурулары бар және егеде жастағы емделушілерде де протионамид фармакокинетикасы көрсеткіштерінің өзгергені байқалмаған.

Фармакодинамикасы