«Ойын бизнесін ұйымдастырушының біліктілік талаптарына сәйкестігін растайтын құжаттардың тізбесі мен нысандарын бекіту туралы» Қазақстан Республикасы Туризм және спорт министрінің 2009 жылғы 14 желтоқсандағы № 01-01-07/217 Бұйрығы (күші жойылды)

Ойын бизнесін ұйымдастырушының біліктілік талаптарына сәйкестігін растайтын құжаттардың тізбесі мен нысандарын бекіту туралы
Қазақстан Республикасы Туризм және спорт министрінің 2009 жылғы 14 желтоқсандағы № 01-01-07/217 Бұйрығы

ҚР Туризм және спорт министрінің 2011 жылғы 30 желтоқсандағы № 02-02-18/255 бұйрығымен күші жойылды

«Ойын бизнесі туралы» Қазақстан Республикасының 2007 жылғы 12 қаңтардағы Заңының 8-бабы 1-тармағы 4) тармақшасына және «Қазақстан Республикасының кейбір заңнамалық актілеріне ойын бизнесінің мәселелері бойынша өзгерістер мен толықтырулар енгізу туралы» Қазақстан Республикасының 2009 жылғы 4 мамырдағы Заңына сәйкес БҰЙЫРАМЫН:

1. Қоса беріліп отырған:

1) ойын бизнесін ұйымдастырушының біліктілік талаптарына сәйкестігін растайтын құжаттардың тізбесі осы бұйрықтың 1-қосымшасына сәйкес;

2) ойын бизнесін ұйымдастырушының біліктілік талаптарына сәйкестігін растайтын құжаттардың нысаны осы бұйрықтың 2 және 3-қосымшаларына сәйкес бекітілсін.

2. Мыналардың күші жойылды деп танылсын:

1) «Ойын бизнесін ұйымдастырушының біліктілік талаптарына сәйкестігін растайтын құжаттардың тізбесі мен нысандарын бекіту туралы» Қазақстан Республикасы Туризм және спорт министрінің 2007 жылғы 28 ақпандағы № 1-2/36 бұйрығы (Нормативтік құқықтық актілердің мемлекеттік тіркеу тізілімінде 2007 жылғы 16 наурыз, № 4577 болып тіркелген, Қазақстан Республикасының Орталық атқарушы және өзге де орталық мемлекеттік органдарының актілер жинағы, 2007 жылғы наурызда жарияланған);

2) «Қазақстан Республикасы Туризм және спорт министрлігінің кейбір бұйрықтарына өзгерістер мен толықтырулар енгізу туралы» Қазақстан Республикасы Туризм және спорт министрінің 2007 жылғы 28 маусымдағы № 1-2/112 бұйрығының 2-тармағы (Нормативтік құқықтық актілердің мемлекеттік тіркеу тізілімінде, № 4797 болып тіркелген, Қазақстан Республикасы Орталық атқарушы және өзге де мемлекеттік органдарының нормативтік құқықтық актілері Бюллетені, 2007 жылғы тамызда, № 8 жарияланған).