Салық салуға байланысты объектілер және құрылымдық бөлімше үшін төлеуге тиісті акциз сомасы бойынша есепті жасау ережелері (431.00-нысан) (Қазақстан Республикасы Қаржы министрінің 2009 жылғы 24 желтоқсандағы № 574 Бұйрығымен бекітілген) (2010.30.06. берілген өзгерістермен) (күші жойылды)

Қазақстан Республикасы Қаржы министрінің

2009 жылғы 24 желтоқсандағы № 574

Бұйрығымен бекітілген

Салық салуға байланысты

объектілер және құрылымдық

бөлімше үшін төлеуге тиісті

акциз сомасы есебіне

(431.00-нысан)

қосымша

ҚР Қаржы министрінің 2009 жылғы 24 желтоқсандағы № 574 Бұйрығының 4-тармағына сәйкес ереженің қолданысы 2010 жылдың 1 қаңтарынан бастап 2010 жылғы 31 желтоқсанына дейінгі кезеңде туындаған қатынастарға қолданылады

ҚР Қаржы министрінің 2010.30.06. № 311 Бұйрығымен мәтіні бойынша «2010 жылдың 13 тамызына дейін» деген сөздер «2012 жылдың 1 қаңтарына дейін» деген сөздермен ауыстырылды, «2010 жылдың 13 тамызынан бастап» деген сөздер «2012 жылдың 1 қаңтарынан бастап» деген сөздермен ауыстырылды (бұр.ред.қара)

Салық салуға байланысты объектілер және құрылымдық бөлімше үшін төлеуге тиісті акциз сомасы бойынша есепті жасау
ережелері
(431.00-нысан)

(2010.30.06. берілген өзгерістермен)

1. Жалпы ережелер

1. Осы Ережелер «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) сәйкес әзірленді және салық салуға байланысты объектілер және құрылымдық бөлімшесі (лері) бар акциз төлеушілердің «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасы Заңының (енгізу туралы Заң) 21-бабына және Салық кодексінің 9-бөліміне сәйкес жүзеге асырған операциялар бойынша салық салуға байланысты объектілер және құрылымдық бөлімше үшін төлеуге тиісті акциз сомаларын есептеуіне арналған Есепті (бұдан әрі - Есеп) жасау тәртібін айқындайды.

2. Есеп Есептің (431.00 нысан) өзінен, оған салық міндеттемелерін есептеу туралы ақпараттарды нақтылай көрсетуге арналған қосымшалардан тұрады.

3. Есепті толтыру кезінде түзетуге, өшіруге және тазалауға жол берілмейді.

4. Көрсеткіштер болмаған кезде тиісті тор көздер толтырылмайды.

5. Осы ережеде арифметикалық белгілер қолданылады: «+» - қосу; «-» - алу; «х» - көбейту; «/» - бөлу; «=» - тең.