Дөңгелекті көлік құралдарына, дөңгелекті көлік құралдарына орнатылуы және/немесе пайдаланылуы мүмкін жабдықтау заттары мен бөлшектерге арналған біркелкі техникалық ұйғарымдарды қабылдау туралы және осы ұйғарымдардың негізінде берілетін ресми бекітуді өзара мойындау шарттары туралы келісім (Женева қ., 1958 жылғы 20 наурызда)

Дөңгелекті көлік құралдарына, дөңгелекті көлік құралдарына орнатылуы және/немесе пайдаланылуы мүмкін жабдықтау заттары мен бөлшектерге арналған біркелкі техникалық ұйғарымдарды қабылдау туралы және осы ұйғарымдардың негізінде берілетін ресми бекітуді өзара мойындау шарттары туралы келісім
(Женева қ., 1958 жылғы 20 наурызда)

ҚР 2010 жылғы 30 маусымдағы № 301-IV Заңымен ратификацияланды

2011 жылғы 8 қаңтарда күшіне енді

Дөңгелекті көлік құралдарына, дөңгелекті көлік құралдарына орнатылуы және/немесе пайдаланылуы мүмкін жабдықтау заттары мен бөлшектерге арналған біркелкі техникалық ұйғарымдарды қабылдау туралы және осы ұйғарымдардың негізінде берілетін ресми бекітуді өзара мойындау шарттары туралы келісім¹

___________________________

¹Келісімнің бұрынғы атауы:

Женевада 1958 жылғы 20 наурызда жасалған Механикалық көлік құралдарының жабдықтау заттары мен бөлшектерін ресми бекітудің біркелкі шарттарын қабылдау туралы және ресми бекітуді өзара тану туралы келісім.

Кіріспе

Уағдаласушы тараптар,

Женевада 1958 жылғы 20 наурызда жасалған Механикалық көлік құралдарының жабдықтау заттары мен бөлшектерін ресми бекітудің біркелкі шарттарын қабылдау туралы және ресми бекітуді өзара тану туралы келісімге түзетулер енгізуге шешім қабылдай отырып, және

кейбір дөңгелекті көлік құралдарын, бұйымдар мен жабдықтарды және бөлшектерді пайдалану мақсатында дайындайтын елдерде олар жауап беруі тиіс біркелкі техникалық ұйғарымдар белгілеуге ниеттене отырып,

мүмкіндігінше, осы техникалық ұйғарымдарды өз елдерінде бекітуге ниеттене отырып,

екінші Уағдаласушы тараптың құзыретті органдарының осы ұйғарымдары негізінде ресми бекітілген көлік құралдарын, жабдықтау заттары мен бөлшектерді өз елдерінде пайдалануды жеңілдетуге ниеттене отырып,

төмендегілер туралы уағдаласты:

1-бап